•  
  • A map rendering depicting the regions occupied the eight general groups of Inuit found in Canada's Arctic
  • PDF icon

ᐊᑐᖅᑕᐅᓂᖏᑦ ᓄᓇᐃᑦ ᑲᓴᑕᒥ ᐅᑭᐅᖅᑕᖅᑐᒥ ᐃᓄᖕᓄᑦ
ᐃᓄᐃᑦ ᑲᓇᑕᒥ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᔮᕐᒪᑕ ᐃᓄᕕᓂᕐᓂᒃ ᖃᐅᔨᓴᖅᑎᓄᑦ 8-ᓄᑦ ᑕᒪᐃᓐᓂ ᑎᒥᐅᔪᓄᑦ: ᐃᒡᓗᓕᒃ, ᕿᑭᖅᑖᓗᒃ, ᐅᖓᕙᖅ, ᓚᐸᑐᐊᕆ, ᑐᒃᑐᐃᑦ, ᓇᑦᑎᓖᑦ, ᕿᑎᖅᒥᐅᑦ ᐊᒻᒪᓗ ᐃᓄᕕᐊᓗᐃᑦ. ᐃᓄᐃᑦ ᓇᖕᒥᓂᖅ ᐱᔭᕆᐊᑐᔪᓂᒃ, ᐋᕿᒋᐊᕋᕐᓂᖅᑐᓂᒃ ᐊᑐᖃᑦᑕᕐᒥᔪᑦ ᐱᖅᑯᓯᕐᓂᒃ ᐊᕕᒃᑐᖅᓯᒪᓂᕆᕙᒃᑕᒥᓄᑦ, ᒪᓕᒃᓱᒋᑦ ᐃᓕᖅᑯᓯᕐᒥᓂᒃ ᐊᔾᔨᒌᖏᓐᓂᖏᑦ ᐊᒻᒪᓗ ᐊᔾᔨᒌᖕᓂᖏᑦ ᒥᑭᔫᑎᐅᓂᖅᓴᓂ ᑎᒥᐅᖃᑎᒌᒃᑐᓂ.

Adobe Iconᑎᑭᓴᕐᓕ ᐊᔾᔨᓕᐅᖅᑕᐅᓯᒪᔪᓂᒃ ᑕᐅᒍᑏᑦ Adobe Reader-ᖑᔪᑦ

ᖃᓄᖅ ᐱᒋᐊᖓᓚᐅᖅᓯᒪᖕᒪᖔᑦ

ᓯᕗᓪᓕᖅᐹᑦ ᐃᓄᐃᑦ ᑎᑭᖄᓚᐅᖅᓯᒪᔪᑦ ᑲᓇᑕᐅᑉ ᐅᑭᐅᖅᑕᖅᑐᖓᓄᑦ ᐃᓄᓪᓚᕆᐅᓚᐅᖅᓯᒪᔪᑦ, ᐃᑳᖅᑐᕕᓂᐅᓪᓗᑎᒃ 4500 ᑭᓛᒥᑕᓂᒃ Bering-ᐱᐅᕆᖑᓂᕋᖅᑕᐅᔪᑎᒍᑦ ᓄᓇᒃᑯᑦ ᐃᑳᕐᕕᒃᑯᑦ, ᐅᐊᖕᓇᖅᐸᓯᖕᒥ ᑲᓇᖕᓇᕐᒥ ᐄᓯᐊᒥ ᓴᐃᓃᓰᑦ ᓄᓇᕕᓂᑐᖄᓗᐊᓂᖓᖅᑐᓂᒃ ᐊᓛᓯᑲᒧᑦ ᑭᖑᓂᐊᓂᓗ ᑲᓇᑕᒧ, ᐃᒻᒪᖄ ᐅᖓᑖᓂ 4,000 ᐊᕐᕋᒍᓂ ᓈᓯᒪᔪᓂ. ᑕᐃᒃᑯᐊ ᐃᓄᕈᕐᓂᑯᐃᑦ ᑕᒫᓂ ᐃᓅᔾᔪᑎᖃᓚᐅᖅᑐᑦ ᑎᑭᑉᐸᒃᑐᓂᒃ ᐆᒪᔪᕐᓂᒃ, ᓲᕐᓗ ᑐᒃᑐᓂᒃ ᐅᒥᖕᒪᖕᓂᒡᓗ. ᒪᓕᒃᑕᐅᕙᓚᐅᕐᒪᑕ ᐃᓄᖕᓄᑦ ᑐᓂᕕᓃᑦ ᓯᕗᓕᕕᓂᖏᓐᓂᒃ ᐊᒻᒪᓗ ᑐᓂᕕᓂᕐᓂᒃ ᐃᓕᖅᑯᓯᖃᓚᐅᖅᑐᓂ, ᐊᖑᓇᓱᒃᐸᓚᐅᖅᓱᑎᒃ ᐃᓅᔾᔪᑎᒋᓪᓗᒋᑦ ᐊᑐᖅᓱᒋᑦ ᒥᑭᔫᑏᑦ ᓄᓇᒦᐅᑕᐃᑦ ᐆᒪᔪᐃᑦ, ᓇᑦᑏᑦ, ᐃᖃᓗᐃᑦ, ᑎᖕᒥᐊᓪᓗ. ᐊᓚᓯᑲᐅᑉ ᖃᓂᒋᔭᖓᓂ, ᑐᓃᕕᓃᑦ ᐃᓕᖁᓯᖃᖅᑐᑐᖃᐃᑦ ᐊᔪᕈᓃᖅᐸᓪᓕᐊᓕᓚᐅᖅᓯᒪᔪᑦ ᐊᖑᓇᓱᒍᓐᓇᖅᓯᓂᖅ ᐊᖏᔫᑎᓂᒃ ᐃᒪᕐᒥᐅᑕᓂᒃ ᐆᒪᔪᕐᓂᒃ, ᓲᕐᓗ ᐊᐃᕕᖕᓂᒃ ᐊᒻᒪᓗ ᕿᓇᓗᒐᕐᓂᒃ ᐊᕐᕕᖕᓂᒡᓗ. ᑕᐃᒪᓕ ᐊᓱᐃᓛᒃ ᓂᕿᒃᓴᖃᑦᑎᐊᕐᓂᖅᓴᐅᔪᓐᓇᖅᓯᓕᕋᒥᒃ, ᐃᓄᐃᑦ ᐊᒥᓱᕈᖅᐸᓪᓕᐊᑲᐅᑎᒋᓕᓚᐅᖅᐳᑦ, ᐃᓅᖃᑎᒌᖃᑦᑕᓕᖅᓱᑎᒃ ᐱᔭᕇᖅᑐᔪᓂᒃ ᐃᓚᒌᒃᓱᕐᓂᖏᑦ ᓴᕿᑉᐸᓪᓕᐊᓕᖅᓱᑎᒃ ᐊᒻᒪᓗ ᓇᒻᒪᖏᓕᐅᕈᑎᖃᕐᓂᖏᑦ ᐃᓚᒌᖏᑦᑑᑎᐅᔪᓂ ᐱᒻᒪᕆᐅᓕᖅᐸᓪᓕᐊᑐᐃᓐᓇᖅᑐᓱᑎᒃ. ᑕᐃᒪᓕ ᓯᑯᕐᔪᐊᕐᓂᕐᒥ ᐊᕐᕋᒍᒐᓴᐅᓚᐅᖅᑐᓂ ᐅᑭᐅᖅᑕᖅᑐᒥ ᓯᑯᕐᔪᐊᕐᓂᐅᓚᐅᖅᑐᒥ 1650-ᒥᒃ 1840-ᒧᑦ ᑎᑭᓪᓗᒍ, ᑐᓃᐊᓗᐃᑦ ᐊᕕᒃᑐᖅᐸᓪᓕᐊᓕᓚᐅᖅᓯᒪᔪᑦ ᐊᐅᓪᓛᖅᐸᓪᓕᐊᓪᓗᑎᒃ ᑲᓇᖕᓇᒻᒪᕆᖕᒧᑦ, ᐊᑯᑭᑦᑐᕐᒥᐅᓄᑦ ᐅᖓᓯᖕᓂᓕᖕᒧᑦ ᑎᑭᐅᒪᔪᓄᑦ, ᓴᓇᕙᓪᓕᐊᓪᓗᑎᒃ ᓄᑖᕐᓂᒃ ᓴᓇᕐᕈᑎᒃᓴᓂᒃ ᐊᕙᑎᒥᓃᓕᕋᒥᒃ ᓄᑖᒥ ᓱᖏᐅᑎᓯᒪᓪᓗᒋᑦ, ᐊᒻᒪᓗ ᐃᓚᖏᓐᓂ ᐊᑐᖅᑐᐊᖅᓱᑎᒃ ᓴᓇᕐᕈᑎᖏᓐᓂᒃ ᓴᓇᔭᐅᓯᒪᔪᕕᓂᕐᓂᒃ ᖃᓗᓈᓄᑦ, ᑕᑯᔭᐅᖃᑦᑕᓚᐅᖅᑐᓄᑦ. 1800-ᖏᓐᓂ, ᐊᓯᔾᔨᖅᕆᐊᓪᓚᓚᐅᕆᕗᑦ ᑎᑭᑕᐅᒐᒥᒃ ᐃᓄᐃᑦ ᖃᓘᓈᓄᑦ, ᕿᓂᖅᑐᓄᑦ ᐃᑳᕐᕕᒃᓴᒥᒃ ᑕᕆᐅᒃᑯᑦ ᐊᓯᐊᓄᑦ ᓄᓇᕐᔪᐊᕐᒧᑦ. ᐃᓄᐃᑦ ᑕᐅᖅᓰᕙᓚᐅᖅᑐᑦ ᐊᔪᓐᖏᓐᓂᕐᒃᒥᓂᒃ, ᖃᐅᔨᒪᓂᕐᒥᓂᒃ, ᕿᓯᖕᓂᒃ ᐊᒥᕐᓂᒡᓗ, ᐊᒻᒪᓗ ᓴᓇᕐᕈᑎᒃᓴᓂᒃ ᐱᖔᕈᒪᓪᓗᑎᒃ ᖁᑭᐅᑎᓂᒃ, ᖃᕐᔪᒃᓴᖏᓐᓂᒃ, ᖃᓗᓈᖅᑕᓂᒃ ᐊᓐᓄᕌᒃᓴᔭᓂᒃ ᐊᒻᒪᓗ ᐃᒡᓗᒥᐅᑕᓄᑦ ᐱᖁᑎᓂᒃ. ᐅᓪᓗᒥᓗ, ᐃᓄᐃᑦ ᐃᓕᖅᑯᓯᖏᓐᓂ ᐊᑐᖅᐸᓕᖅᐳᑦ ᑕᐃᔅᓱᒪᓂᑐᖃᖅᓯᐅᑎᓂᒃ ᐅᓪᓗᒥᓗ ᓴᓇᔭᐅᓯᒪᓕᖅᑐᓂᒃ ᓴᓇᕐᕈᑎᓂᒃ ᐊᒻᒪᓗ ᐃᓅᖃᑎᒋᒃᓱᑎᒃ ᐃᓅᓯᖃᑦᑎᐊᕈᑕᐅᔪᓐᓇᖅᑐᓂᒃ ᓴᖏᔫᔾᔪᑎᒋᔭᖏᓐᓂᒃ ᐅᑭᐅᖅᑕᖅᑐᒥ ᐊᕙᑎᒥᓂᒃ.