•  
  • A map rendering showing the regions of the Canadian Arctic frequented by the Mackenzie Delta Inuvialuit Inuit Community.
  • PDF icon

ᓄᓇᐃᑦ ᐊᑐᖅᑕᐅᓂᖏᑦ ᐅᐊᓕᓂᕐᒥᐅᓄᑦ ᐃᓄᖕᓄᑦ

  •  
  • Aerial landscape photograph of the Mackenzie Delta area and its river, home to the Mackenzie Delta Inuvialuit Inuit.
  • Magnifying Glass

ᖃᖓᑕᓲᒃᑯᑦ ᑕᑯᓪᓗᒍ ᐅᐊᓕᓂᖅ ᑰᖏᓪᓗ ᐊᕕᒃᑐᖅᓯᒪᔪᑦ ᐊᒻᒪᓗ ᑕᓰᑦ. ᑭᖔᕈᐊᓗᐃᑦ ᐱᖓᖕᓇᖓᓃᑦᑐᐃᑦ ᐃᑎᓐᓂᕐᒥ ᓄᓇᒥ.
ᐄᐳ 1978
ᐊᔾᔨᓕᐅᖅᑕᐅᔪᖅ ᕆᒃ ᕆᐅᒧᑦ

ᐅᐊᓕᓂᕐᒥᐅᑦ ᐃᓄᕕᐊᓗᐃᑦ

ᐅᐊᓕᓂᕐᒥᐅᑦ ᐃᕕᐊᓗᐃᑦ ᓄᓇᖅᐸᓯᖕᒥᐅᑕᐅᔪᑦ ᔪᑳᓐᒥ ᐊᒻᒪᓗ ᓄᓇᑦᓯᐊᕐᒥ ᓄᓇᓕᖕᓂ ᓲᓗᕐ ᐊᒃᖤᒡᕕᖕᒥᒃ, ᐃᓅᕕᖕᒥ, ᑐᒃᑐᔮᖅᑐᕐᒥ ᐸᐅᓗᑐᖅᒥᓗ, ᐃᓚᖏᓪᓗ ᐃᓄᐃᑦ ᐅᓗᒃᓴᖅᑑᕐᒥᐅᑕᐃᑦ ᐃᖃᓗᒃᑑᑦᑎᐊᑉ ᕿᑭᖅᑖᓗᐊᓂ ᐃᖕᒥᓂᒃ ᐃᓅᕕᐊᓘᓂᕋᖅᐸᖕᒥᔪᑦ. 1860-ᖏᓐᓂ ᑐᒃᓯᐊᕐᕕᖕᓂᖔᖅᑐᑦ ᓄᓇᓕᒃᑖᓚᐅᖅᓯᒪᔪᑦ ᑕᐅᕙᓂ ᐊᒻᒪᓗ ᐊᕐᕙᖕᓂᐊᖅᑏᑦ ᑎᑭᓚᐅᖅᓯᒪᔪᑦ 1800-ᖏᓐᓂ ᑭᖑᓂᐊᒍᓪᓗ ᖃᓂᒪᓇᖅᑐᓂᒃ ᓇᒃᓴᓚᐅᖅᑐᑦ ᐊᓯᖏᓐᓂᓗ ᐋᓐᓂᐊᕐᔪᐊᕐᓇᖅᑐᓂᒃ, ᑐᖁᕋᕈᑕᐅᓯᒪᕐᔪᐊᖅᑐᑦ ᐃᓄᖕᓂᒃ. ᐊᓛᔅᑲᒥᐅᑦ ᐃᓄᐱᐊᑦ ᑕᐅᕗᖓ ᓅᓚᐅᖅᓯᒪᔪᑦ ᐃᓚᖏᑦ, ᓄᓕᐊᓂᒃᐸᒃᓱᑎᒃ ᐅᐃᓂᒃᐸᒃᓱᑎᒃ ᖃᔅᓰᓐᓇᐅᓕᖅᑑᒐᓗᐊᓂᒃ ᐃᓄᕕᓗᐊᖕᓂᒃ. ᐃᓚᒋᔭᐅᓂᖏᑦ ᓇᓗᓇᖏᑦᑎᐊᖅᐳᑦ ᑕᐃᒪᓐᓂᒃ ᐃᓅᓯᖏᓐᓂ ᐃᓄᕕᐊᓗᐃᑦ.

ᒪᑲᓐᓯᒥ ᑰᒡᔪᐊᕐᒥ ᐅᐊᓕᓂᕐᒥ ᓄᓇ ᐊᖏᔪᒻᒪᕆᐊᓗᒃ ᐱᒋᐊᖅᑐᖅ ᓄᓇᖅᐸᖕᒥᒃ ᑐᒃᑐᔮᖅᑑᑉ ᑕᕆᐅᖓᓄᑦ ᑎᑭᑦᑐᖅ, ᓇᑉᐸᓪᓗᐊᖓᓂᒃ ᐊᖏᓂᓕᒃ ᓄᓇᓕᒫᖓᓂᒃ ᐃᒪᐃᓐᓇᐅᓪᓗᓂ ᑕᐅᕙᓐᓇ. ᓂᒋᐊᓄᑦ, ᓇᐹᖅᑐᓕᒃ ᐊᔾᔨᒋᖏᑦᑑᑎᒻᒪᕆᖕᓂᒃ, ᐅᖅᐱᒃᑲᖃᖅᓱᓂ ᐊᒻᒪᓗ ᐃᕕᒃᓴᐃᑦ ᐱᕈᖅᐸᒃᓱᑎᒃ. ᓄᓇᖏᑦ ᓯᓚᖓᓗ ᑕᐅᕙᓂ ᓈᒻᒪᒃᑐᒻᒪᕆᐅᕗᖅ ᐊᒥᓲᔾᔪᑕᐅᓪᓗᓂ ᐆᒪᔪᕐᓄᑦ, ᓲᕐᓗ ᑐᒃᑐᕙᖕᓄᑦ, ᐊᕕᖓᖅᐸᖕᓄᑦ, ᑭᒋᐊᕐᓄᑦ (ᐸᒥᐅᖅᑑᑦ), ᑕᕆᒐᓂᐊᑦ, ᐅᑲᓖᑦ, ᒥᑏᑦ, ᑲᖑᐃᓪᓗ ᓂᕐᓖᓪᓗ. ᐃᒪᐃᑦ ᑕᕆᐅᖃᖏᑦᑐᑦ ᐊᒻᒪᓗ ᑕᕆᐅᕐᔪᐊᖓ ᐊᒥᓱᒻᒪᕆᖕᓂᒃ ᐃᖃᓗᖃᐅᖅᑐᖅ.