Video

ᑲᒦᑦ, 1989

ᐅᓛᔪᒃ ᖃᕕᐅᖅ ᑭᖑᓪᓕᖅᐹᖑᖃᑕᐅᔪᖅ ᐃᓄᒃ, ᐃᓅᓐᓂᑯ ᐱᕈᖅᓴᓂᑰᓗᓐᓂᓗ ᓄᓇᒥ, ᑭᓯᐊᓂ ᐊᔪᖏᓐᓂᖓ ᑲᒻᒥᔪᓐᓇᕐᓂᖅ ᖃᐅᔨᒪᔭᐅᔪᓐᓃᑐᐃᓐᓇᕆᐊᖃᖅᑐᖅ ᐃᓕᖅᑯᕆᔭᐅᕙᓪᓕᐊᓕᖅᑐᓂ ᓄᓇᖓᓐᓂ. ᐅᓛᔪᒃ ᐃᓚᖏᓪᓗ, ᐊᒥᓱᓪᓗ ᐃᓄᐃᑦ ᐅᓪᓗᒥᐅᓕᖅᑐᖅ, ᓇᓕᒧᒋᓕᖅᑎᑦᑎᓇᓱᐊᖅᑐᑦ ᐊᔾᔨᒌᒋᑦᑐᒻᒪᕆᐅᔪᓂᒃ ᐱᖅᑯᓯᖃᓕᖅᑐᓂᒃ. ᑲᒦᑦ ᐊᖅᑯᑕᐅᕗᑦ ᐃᓅᓯᕆᔭᐅᕙᓚᐅᖅᑐᓄᑦ ᖃᐅᔨᒪᔾᔪᑕᐅᓪᓗᑎᒃ ᐊᒻᒪᓗ ᖃᓄᖅ ᑲᔪᓯᔭᕆᐊᖃᕐᒪᖔᑕ ᓲᕐᒃᓗ ᐊᑯᓐᓂᖏᓐᓂ.

ᑎᓕᐅᖅᑎᐅᔪᖅ ᐃᓖᔅ ᓯᕗᕼᐴᓐ
ᓴᓇᔭᐅᔪᖅ ᐆᒧᖓ ᔫ ᒪᒃᑖᓄᓪ
ᓴᓇᔭᐅᑎᑦᑎᔪᑦ ᐃᖃᓇᐃᔭᕐᕕᖓᑦ: ᑲᓇᑕᒥ ᑕᕐᕆᐅᑎᓕᐅᖅᑏᑦ ᑲᓇᑕᒧᑦ

ᖃᐅᔨᒪᔭᐅᓂᐊᖅᑐᖅ: ᑖᓐᓇ ᑕᕆᐅᔭᐅᑦ ᐊᖑᓇᓱᓪᓚᕆᒃᑐᓂᒃ ᐊᔾᔨᓕᐅᖅᑕᐅᓯᒪᔪᓕᒃ. ᐃᓚᖏᑦ ᑕᑯᓐᓈᖅᑐᑦ ᐃᓱᒪᓘᓕᑐᐃᓐᓇᕆᐊᓖᑦ.

Kamik video still
Video icon ᐃᓚᖓ 1
33 KB / 4:29
Kamik video still 2
Video icon ᐃᓚᖓ 2
33 KB / 3:35
Kamik video still 3
Video icon ᐃᓚᖓ 3
33 KB / 6:34

ᑲᒦᒃ
36-041
ᐅᖃᐅᓰᑦ
ᑭᖑᓪᓕᖅᐹᑦ ᑎᑎᕋᖅᑕᐅᓯᒪᔪᑦ

ᐅᓛᔪᒃ ᑲᕕᐅᖅ ᓇᖕᒥᓂᖅ ᐊᖑᓇᓱᒃᐸᒃᑐᖅ ᑕᐃᒪᓐᖓᑦ ᐅᐃᒋᓚᐅᖅᑕᓂ ᐃᓅᔪᓐᓃᓚᐅᖅᑎᓪᓗᒍ ᐊᕐᕋᒍᒐᓴᐅᓕᖅᑐᓂ. ᐅᑭᐅᖅ, ᓯᕗᓪᓕᐅᓚᐅᖅᑐᖅ ᓇᓐᓄᒃᑐᓂ. ᐅᓪᓗᒥ, ᓇᑦᓯᖅᓯᐅᖅᑐᖅ ᕼᐊᑦᓴᓐ ᐲᒥ, ᑕᓯᐅᔭᕐᔪᐊᕐᒥ ᑕᕆᐅᕐᒥ.

ᓇᑦᓰᑦ ᐊᑑᑎᓕᒻᒪᕆᐅᖕᒪᑕ ᐱᓂᖅᐹᖑᖃᑕᐅᔪᒥᒃ ᐃᓄᐃᑦ ᐃᓅᓯᖏᓐᓂ, ᓂᖅᑭᐊᓄᑦ ᕿᓯᖕᓄᓪᓗ. ᕿᓯᐊᓂ ᓇᑦᓯᐅᑉ ᐱᔪᒥᓇᕈᑎᒋᓗᐊᖅᐹ ᐅᓛᔪᖕᒧᑦ, ᑲᒥᓕᐅᕈᓇᕐᒪᑦ.

ᐅᓛᔪᒃ ᑲᕕᐅᖅ ᒥᖅᓱᖅᑎᒻᒪᕆᐅᖕᒪᑦ, ᖃᐅᔨᒪᔪᒻᒪᕆᐅᓪᓗᓂᓗ ᓇᑦᓯᕐᓂᒃ ᕿᓯᓕᕆᓂᕐᒥᒃ.

ᑲᒦᒃ ᕿᓯᖕᓂᒃ ᓴᓇᓯᒪᔪᓐᓇᕐᒪᑕ ᐊᒥᓱᓂᒃ ᐊᔾᔨᒌᖏᑦᑐᑎᓂᒃ. ᒥᖅᑯᓖᑦ ᓂᕈᒥᓐᓂᖏᓪᓗ ᓇᑦᓰᑦ ᐱᐅᔪᒻᒪᕆᐅᕗᑦ ᖁᓛᓄᑦ ᓂᐅᖏᓐᓄᑦ.

…ᑭᓯᐊᓂ ᐊᓛᓄᑦ, ᐅᓛᔪᒃ ᐊᑐᕐᓂᐊᖅᑐᖅ ᐅᒡᔪᖕᒥᒃ ᕿᓯᖕᒥᒃ, ᖁᑭᖅᑕᐅᓵᖃᐅᔪᒥᒃ…

ᑖᓐᓇ ᐅᓗ ᐊᖕᒪᓗᖅᑑᑉ ᓇᑉᐸᖓᐅᔮᖅᑐᖅ, ᐊᕐᓇᓄᑦ ᐊᑐᖅᑕᐅᓂᖅᐹᖑᕙᒃᐳᖅ. ᑐᓂᕐᕈᓯᐊᖅᑖᕆᖄᕋᔭᖅᑕᖓ ᓂᕕᐊᖅᓯᐊᖑᓗᓐᓂ ᓱᓕ, ᐊᑐᕐᓂᐊᕐᒥᔭᖓ ᐃᓅᓯᓕᒫᖅ.

ᒪᔾᔭᓚᐅᕐᓗᓂᒋᑦ ᓴᓗᒻᒪᑦᑎᐊᖄᕐᓱᓂᒋᓪ, ᕿᓰᑦ ᐸᓂᖅᓯᕐᓂᐊᓕᖅᐳᑦ ᓯᓚᒥ ᓯᕿᓐᓂᕐᓂᖓᓂ.

ᕿᓰᑦ ᐸᓂᖅᓯᕐᓂᖏᓐᓂ, ᐅᓛᔪᒡᓗ ᓄᑲᖓᓗ ᒫᑕ ᒪᓐᓂᒃᑕᕆᐊᖅᓯᒪᓂᐊᖅᐴᒃ.

ᐅᓛᔪᒃ ᐃᓅᓚᐅᖅᑐᖅ ᓄᓇᒥ, ᐃᓕᓐᓂᐊᖅᓯᒪᓗᓂᓗ ᖃᓄᖅ ᐃᓅᓇᓱᐊᕈᓐᓇᕐᓂᖅ ᐊᒥᒐᖅᓯᕐᓇᖅᑐᒥ ᓂᕆᔭᒃᓴᓂᒃ.

ᐅᓪᓗᒥ, ᐅᓚᔪᒡᓗ ᐃᓚᖏᓪᓗ ᐃᒡᓗᕐᔪᐊᕐᒥᐅᑕᐅᓕᖅᐳᑦ ᐅᖂᓴᐅᑎᖃᖅᑐᒥ, ᓂᐅᕕᖅᐸᒃᓱᑎᒃ ᐊᓐᓄᕌᒃᓴᒥᓂᒃ ᓂᐅᕕᕐᕕᖕᒥ, ᑭᓯᐊᓂ ᐅᐱᖔᕈᕌᖓᑦ ᐊᕐᕋᒍᑕᒫᖅ ᓄᓇᒧᑦ ᐅᑎᖅᐸᒃᑐᑦ ᑐᐱᖅᓯᒪᔭᖅᑐᖅᓱᑎᒃ, ᐅᓛᔫᑉ ᓄᓇᒋᕙᓚᐅᖅᑕᖓᓂ ᓄᑕᕋᐅᓂᖓᓂ.

ᕿᓰᑦ ᐸᓂᖅᐸᑕ, ᐆᒃᑐᐃᔭᕆᐊᖃᕐᓂᐊᓕᖅᐳᖅ.

ᐅᓛᔪᒃ ᓂᕈᐊᕐᓂᐊᖅᑐᖅ ᐱᐅᓂᖅᐹᓂᒃ ᑕᒡᕙᖓᑦ ᕿᓯᖕᒥᒃ ᑲᒥᒃᓵᒃ ᖁᓕᒃᓴᖏᓐᓄᑦ.

ᐆᒃᑐᑦᑎᐊᕆᐊᖃᕐᓂᐊᖅᑐᖅ. ᒥᖅᓱᕆᐊᓕᕈᓂ ᑲᒥᒃᓴᓂᒃ, ᓇᒻᒪᓈᑦᑎᐊᕆᐊᖃᕐᓂᐊᕐᒪᑕ, ᑲᑎᖓᑦᑎᐊᕈᓐᓇᕐᓗᑎᒃ ᐊᓕᒃᓴᕋᐃᖏᓪᓗᑎᒃ.

ᐆᒃᑐᐃᒌᕈᓂ, ᑕᒪᓐᓇ ᐅᐱᖔᒥ ᐊᐅᒃᐸᓪᓕᐊᓯᒪᓕᖅᐳᖅ ᓯᑯ. ᕿᖅᑐᕆᐊᑦ ᐊᒥᓲᓕᖅᐳᑦ, ᐅᓛᔪᒃᑯᓪᓗ ᐅᑎᕆᐊᖃᓕᖅᑐᑦ ᓄᓇᓕᖕᒥᓄᑦ.

ᓄᓇᖓᑦ ᐊᕐᕕᐊᑦ, ᐊᖏᕐᕋᕆᓕᖅᑕᖓ ᑕᐃᒪᓐᖓᑦ 1920-ᖏᓂᒃ, ᐃᒃᓯᕋᕐᔪᐊᒃᑯᑦ ᕼᐊᑦᓴᓐ ᐲ ᑲᒻᐸᓂᒃᑯᓪᓗ ᑕᐅᕗᖓᖄᓚᐅᖅᑎᓪᓗᒋᑦ, ᓂᐅᕕᐊᖅᑎᐅᓪᓗᑎᒃ ᐃᓄᖕᓄᑦ ᐊᖑᓇᓱᒃᑎᓄᑦ ᑕᐅᕙᓂ. ᐊᒥᓱᓂ ᐊᕐᕋᒎᓂᐊᖅᑐᓂ, ᐱᕙᓪᓕᐊᓂᖓ ᐅᑭᐅᖅᑕᖅᑐᖅ ᐃᓄᖕᓄᑦ ᓄᓇᒥᐅᑕᐅᔪᓐᓃᕈᑕᐅᕙᓪᓕᐊᓕᓚᐅᖅᐳᖅ ᓄᓇᑖᖅᐸᓪᓕᐊᓕᖅᓱᑎᒃ ᐊᑕᐅᓯᕐᒥᒃ ᓄᓇᓕᖕᒥ.

ᐅᓪᓗᒥᓗ, ᖃᓂᒋᔭᖏᓐᓂ 1100 ᐃᓄᐃᑦ ᐊᕐᕕᐊᕐᒥᐅᑕᐅᓕᖅᐳᑦ, ᐃᓕᖅᑯᓯᖃᖅᓱᑎᒃ ᓄᑖᓂᒃ ᖃᖓᓂᑕᕐᓂᒡᓗ ᐊᑐᖅᓱᑎᒃ.

ᐅᓛᔪᒃ ᐃᓅᓯᖃᖅᑐᖅ ᒪᕐᕉᖕᓂᒃ ᐊᕐᕕᐊᓂ, ᐊᔪᕐᓇᕆᖏᑕᖓᓂᒃ. ᐃᒡᓗᖓ ᐃᒡᓗᒥᐅᑕᖁᑎᖏᓪᓗ ᖃᓗᓇᓂᖔᖅᑐᑦ ᐊᒻᒪᓗ ᐊᐃᔅᑯᓖᒻᖃᖏᖔᖅᓱᑎᒃ, ᖁᐊᖅᑯᕕᐊᓂ ᑲᒦᒃ ᑐᖅᑯᖅᓯᒪᕗᑦ, ᖃᐅᓪᓗᑦᑎᐊᕐᓂᖏᑦ ᖁᖅᓱᖅᓯᓇᔭᕐᒪᑕ ᐃᒡᓗᒥ ᐅᖂᓇᖅᑐᒦᒃᑲᓗᐊᕈᑎᒃ.

ᑕᒪᓐᓇ ᐃᓅᓯᖅ ᐊᑯᓯᒪᔪᖅ ᐅᑭᐅᖅᑕᖅᑐᒥᐅᑕᐅᓂᕐᒥᒃ ᖃᓗᓈᓂᖔᖅᓯᒪᔪᓂ’ᓗ ᐅᓛᔪᑉ ᑲᒪᓕᐅᖅᓯᒪᕕᒋᔪᓐᓇᕆᕚ ᖃᓗᓈᓂᖓᖅᓯᒪᔪᓂᒃ. ᐃᕙᓗ ᐊᑐᖅᑕᖓ ᐃᕙᓪᓗᑐᖃᐅᖏᒻᒥᔪᖅ ᑐᒃᑐᓂᖓᖅᑐᖅ, ᐊᑐᖅᐸᓚᐅᖅᑕᖓᓂᒃ, ᒫᓐᓇᓕ ᖃᓗᓈᖅᑕᕕᓂᕐᓂᖓᖅᐳᖅ ᓇᐃᓛᓐᖑᓪᓗᓂ.

ᐅᓛᔫᑉ ᐸᓂᐊ, ᐊᖑᓚᔪᖅ ᐊᑐᖓᒃᓵᖕᓂᒃ ᐊᔪᕐᓇᖏᓐᓂᖅᓴᐅᓂᐊᕐᒪᑕ ᒥᖅᓱᕈᓐᓇᕐᓂᕐᒧᑦ.

ᐊᒥᓱᒐᓴᖕᓂᒃ ᐊᕐᕋᒍᓂᒃ ᐊᑐᖅᑕᕕᖃᖅᓱᓂ - ᐊᒻᒪᓗ ᐆᒃᑐᑦᑎᐊᖃᑦᑕᕐᓂᕐᒥᓄᑦ ᕿᓯᖕᓂᒃ - ᐅᓛᔪᒃ ᑲᒻᒥᓂᖓ ᐊᔪᕐᓇᖏᑦᑐᑯᓘᔭᖅᑐᖅ. ᑭᓯᐊᓂᓕ, ᐊᑯᓂᐅᓇᖅᐳᖅ, ᐊᒻᒪᓗ ᐅᔾᔨᖅᑐᑦᑎᐊᕆᐊᖃᖅᑐᒻᒪᕆᐅᔪᖅ ᑲᒥᓕᐅᕐᓂᖅ.

ᓴᓇᓯᒪᑦᑎᐊᕈᑎᒃ, ᕿᓯᖕᓂᒃ ᑲᒥᓕᐊᖑᓯᒪᔪᑦ ᐃᑎᒐᐃᔭᕐᓇᖏᑦᑐᑦ, ᐊᒻᒪᓗ ᐊᐅᓚᔪᓐᓇᖅᓱᑎᒃ ᐳᑐᒍᐃᑦ, ᓱᑲᖓᓗᐊᖏᓱᑎᒡᓗ.

ᐊᖑᓇᓱᒃᑎᒧᑦ ᐃᓄᑑᒐᓂ ᑕᕆᐅᕐᒥ ᑕᓯᐅᔭᕐᔪᐊᕐᒥ ᓯᓈᓂ, ᑲᒥᖓ ᐱᔾᔪᑕᐅᔪᓐᓇᖅᐳᑦ ᐃᓅᓂᖓᓄᑦ ᑐᖁᔾᔪᑎᖓᓄᓪᓗᓐᓃᑦ.

ᐃᓱᐊ