ᐱᓕᕆᐊᒃᓴᐃᑦ ᓴᓇᔭᒃᓴᐃᓪᓗ

ᐃᓄᐃᑦ ᓴᓇᐅᒐᖏᑦ: ᓴᓇᐅᒐᓪᓚᕆᐅᓂᖏᑦ ᑲᒦᑦ

ᐳᖅᑐᓂᓖᑦ: ᐳᑐᓂᖅ 9 ᓄᓇᖃᖅᖄᖅᑐᓂᒃ ᐃᓕᖅᑯᓯᕆᔭᐅᔪᑦ/ᑕᑯᓐᓈᒐᒃᓴᐃᑦ ᓴᓇᔭᐅᓯᒪᔪᑦ

ᐸᕐᓇᐃᓂᖅ: ᐊᒥᓱᓕᐊᕆᓗᒋᑦ ᐊᔾᔩᑦ ᒋᐊᖃᖅᐸᑕ. ᐊᒥᓱᓕᐊᕆᓗᒋᑦ - ᑲᑎᖓᐅᕐᓗᑎᒃ ᐱᓕᕆᐊᒃᓴᐃᑦ 1 - 8 - ᐊᔪᖏᓐᓂᖅ ᑲᒻᒥᔪᓐᓇᕐᓂᖅ, ᐊᑐᖅᑕᐅᓂᐊᕈᑎᒃ

ᑕᑭᓂᖏᑦ: 150 ᒥᓂᑦ (45 ᒥᓂᑦᒃᑲᓃᑦ ᐊᑐᖅᑕᐅᓂᐊᕈᑎᒃ ᐃᓚᒋᐊᕈᑎᒃᓴᐃᑦ ᐱᓕᕆᐊᒃᓴᐃᑦ - 195 ᒥᓂᑦ).

ᐱᖁᑏᑦ: ᐸᐃᐹᑦ/ᐊᓕᓚᔪᐃᑦ, ᐊᓐᓄᕌᖅᑕᖅ, ᓂᐱᐅᑎ, ᐊᓯᖏᓪᓗ ᓴᓇᕐᕈᑎᒃᓴᐃᑦ ᓴᓇᐅᒐᒃᓴᒧᑦ, ᐱᔪᒪᔭᐅᒍᑎᒃ

ᑐᕌᖅᑕᐅᔪᑦ:

  • ᑐᑭᓯᐅᒪᓕᕈᒪᓂᖅ ᓴᓇᔭᐅᓯᒪᓂᖏᓐᓂ ᓄᓇᖃᖅᑲᖅᑐᑦ ᓴᓇᐅᒐᓕᐊᖏᑦ, ᐊᑑᑎᖃᖅᓱᑎᒃ ᑲᔪᓯᑎᑦᑎᓂᕐᒥᒃ ᐱᒻᒪᕆᐅᑕᐅᔪᓂᒃ, ᐱᖅᑯᓯᕆᔭᐅᔪᓂᒃ ᓄᓇᓖᑦ
  • ᑕᑯᒃᓴᐅᑎᑦᑎᓂᖅ ᑐᑭᓯᐅᒪᓂᕐᒥᒃ ᐃᓚᒌᖕᓂᖏᓐᓂᒃ ᐃᓄᐃᑦ, ᐊᕙᑎᒥᓄᑦ, ᓴᓇᖑᐊᒐᖏᓐᓄᓪᓗ
  • ᓴᓇᓗᑎᒃ ᓴᓇᐅᒐᕐᓂᒃ ᐱᔾᔪᑎᖃᖅᑐᓂᒃ ᓇᓗᓇᐃᖅᑕᐅᓯᒪᑦᑎᐊᖅᑐᓂᒃ ᐃᓗᓕᖏᓐᓂᒃ ᑐᕋᒐᕆᔭᔪᓂᒃ ᐊᒻᒪᓗ ᓴᓇᐅᒐᓕᐅᕐᓂᕐᒧᑦ ᐊᒃᓱᕈᕈᑕᐅᕙᒃᑐᓂᒃ

ᖃᓄᐃᓕᐅᕈᑏᑦ ᐅᓂᒃᑳᖅᑕᐅᓂᖏᑦ:

ᐱᒋᐊᕐᓗᑎᒃ:
ᑐᖓᕕᒋᓗᒋᑦ ᓯᕗᓂᐊᓂ ᐃᓕᓐᓂᐊᕈᑎᕕᓂᕐᓂᒃ ᑖᒃᑯᓇᓂ, ᓯᕗᓪᓕᖅᐋᒥ ᐅᖃᐅᓯᕆᓗᒋᑦ ᐃᓱᒪᓂᕆᔭᐅᔪᑦ ᓄᓇᖃᖄᖅᑐᐃᑦ ᓴᓇᐅᒐᕆᕙᒃᑕᖏᑦ ᐊᑑᑕᐅᖃᑦᑕᕐᓂᖏᓐᓂ ᑲᔪᓯᑎᑦᑎᓂᕐᒧᑦ ᐱᒻᒪᕆᐅᒧᖤᒃ ᐊᒻᒪᓗ ᐱᖅᑯᓯᕆᔭᐅᔪᓂᒃ ᐃᓄᐃᑦ ᓄᓇᓕᖏᓐᓂ.

ᑎᑎᕋᕐᓗᒋᑦ ᑕᕐᕆᔭᕐᓗᒋᓗᓐᓃᑦ ᓴᓇᐅᒐᐃᑦ ᒪᐃᓇ ᓇᐹᖅᑑᑉ. (ᑕᑯᒃᓴᐅᖕᒥᔪᑦᓯᕗᓪᓕᖅᐹᓂ ᐅᖃᐅᓯᕐᓂ ᖃᕆᑕᐅᔭᒃᑯᑦ ᑕᑯᔭᒐᖃᕐᕕᖕᓂ ᑲᒥᕗᑦ: ᐃᓄᐃᑦ ᐊᕐᓇᐃᑦ ᓴᓇᐅᒐᖏᓐᓂ) ᒪᐃᓇ ᓇᐹᖅᑐᖅ ᐃᓅᓚᐅᖅᓯᒪᔪᖅ ᑰᔾᔪᐊᕌᐱᖕᒥ 1913-ᖑᑎᓪᓗᒍ. ᐃᓕᖅᑯᓯᑐᖃᕐᒥᓂᒃ ᐃᓕᓐᓂᐊᖅᓯᒪᔪᖅ, ᐊᔪᖏᑦᑐᒻᒪᕆᒃ ᕿᓯᖕᓂᒃ ᐊᒥᕐᓂᒡᓗ ᒥᖁᓕᖕᓂ ᐊᓐᓄᕌᓕᐅᕈᓐᓇᕐᓂᖅ. ᐅᑭᐅᖃᓕᖅᓱᓂ 61-ᓂᒃ, ᐊᔪᖏᓐᓂᕐᒥᓂᒃ ᓴᖑᓕᓚᐅᖅᑐᖅ ᓴᓇᐅᒐᓕᐅᖃᑦᑕᓕᖅᓱᓂ ᓂᕕᖓᓂᐊᖅᑐᓂᒃ ᓴᓇᓯᒪᓪᓗᑎᒃ ᕿᓯᖕᓂᒃ ᐊᑕᔪᓂᒃ ᖃᓗᓈᖅᑕᓄᑦ. ᐊᔾᔨᖑᐊᓕᐊᖏᑦ ᓂᕕᖓᑕᐃᑦ ᐊᔾᔨᖑᐊᖃᓚᐅᖅᑐᑦ ᐃᓅᓯᑐᖃᕐᒥᓂᒃ ᓄᓇᒥ.

ᑕᓐᓇ ᐊᔾᔨᖑᐊᖅ ᓴᓇᐅᒐᖅ ᐊᑐᖅᑐᐊᖅᑕᐅᓯᒪᔪᖅ ᐹᑕᒃᑯᑦ ᑲᒫᓗᓕᕆᔩᑦ ᑕᑯᔭᒐᖃᕐᕕᖓᓐᓂ 1979-ᒥ. ᑕᑯᒃᓴᐅᔪᑦ ᑲᒻᒥᕙᓪᓕᐅᓂᐅᔪᑦ ᓴᓇᓂᐊᕐᓗᓂ ᐅᖂᓇᕐᓂᐊᖅᑐᓂᒃ ᐸᓂᕐᓇᕐᓂᐊᖅᑐᓂᒃ ᑲᒥᖕᓂᒃ, ᐃᑭᕐᓇᖅᑐᒥ, ᓇᑦᑎᖅᓯᐅᖅᑕᐅᓚᐅᖅᓱᓂ, ᒥᖅᓱᖅᑕᐅᓚᐅᖅᓱᓂ, ᐃᓂᖅᑕᐅᓂᖏᓄᑦ ᑲᒦᑦ. ᐅᓂᒃᑳᕐᓗᑎᑦ ᑖᓐᓇ ᓴᓇᐅᒐᖅ ᐱᒻᒪᕆᐅᓗᖕᒥᒃ ᐅᓂᒃᑲᖅᑐᖅ ᐃᓅᓯᖏᓐᓂ ᐃᓄᐃᑦ. ᐅᓂᒃᑳᕐᓗᑎᑦ ᐊᑐᕐᓗᒍ ᓴᓇᐅᒐᐃᑦ ᐱᓕᕆᐊᒃᓴᐃᑦ ᐅᓪᓗᒥᒧᑦ ᐊᑐᒐᒃᓴᐃᑦ. ᑐᑭᓯᓂᐊᕐᕕᒋᓗᒋᑦ ᑎᑎᕋᕐᕕᒃᓴᖅ 1 – ᐱᓕᕆᐊᒃᓴᐃᑦ ᐅᓪᓗᒥᒧᑦ - ᑭᐅᔾᔪᑏᑦ ᒪᓕᖕᓂᖏ ᑐᑭᓕᐅᕐᓗᒋᑦ ᓴᓇᐅᒐᕐᓂ. ᐊᒻᒪᓗ, ᑕᑯᒃᓴᐅᑎᑦᑎᓗᑎᑦ ᑕᕐᕆᔭᐅᑎᒃᑯᑦ ᐅᖃᓕᒫᖃᑎᒋᓗᒋᓪᓗ ᐃᓕᓐᓂᐊᖅᑐᑦ ᓄᓇᒥᒃ, ᕿᓯᖕᓂᒃ/ᐊᒥᕐᓂᒃ ᐊᓐᓄᕌᓂᒃ ᐊᒻᒪᓗ ᕿᓯᖕᓂᒃ/ᐊᒥᕐᓂᒃ ᑲᒦᑦ ᐃᓗᐊᓃᑦᑐᑦ ᑕᑯᔭᒐᐃᑦ ᐃᓕᓐᓂᐊᖅᑐᑦ ᑐᑭᓯᕚᓪᓕᕐᓂᐊᕐᒪᑕ ᖃᓄᐃᑦᑑᓂᖓᓂᒃ ᐅᑭᐅᖅᑕᖅᑐᒥ ᓯᓚ ᐊᒻᒪᓗ ᖃᓄᐃᑦᑑᓂᖏᓐᓂ ᐱᖁᓯᑐᖃᖏᓐᓂ ᐃᓄᐃᑦ ᐊᓐᓄᕌᖏᑦ.

ᐃᓕᑦᑎᓐᓂᖅ:
ᐅᖃᐅᓯᕆᓗᒋᑦ ᓴᓇᐅᒐᐃᑦ, ᓴᓇᖑᐊᕐᓂᓪᓚᕆᐅᓂᖏᓐᓂᒃ ᑲᒦᑦ:

  • ᐊᔾᔨᖑᐊᖅ ᒪᓃᑦᑐᖅ, ᐃᓗᑐᓂᖃᖏᑦᑐᖅ, ᑭᓯᐊᓂ ᑕᑯᑦᑎᐊᕈᕕᒋᑦ ᐃᓄᖑᐊᑦ, ᐊᑐᖅᓯᒪᔪᖅ ᐊᔾᔨᒌᖏᑦᑑᑎᓂᒃ ᖃᐅᒪᓂᓕᖕᓂᒃ ᕿᓯᖕᓂᒃ, ᐊᖕᒪᓗᖅᓯᕚᓪᓕᕈᑕᐅᓪᓗᑎᒃ ᐅᕙᓗᓐᓃᑦ ᐱᖓᓱᐃᓕᖃᖓᔪᒥᒃ ᑕᐅᑐᒃᑐᔮᕐᓇᕈᑕᐅᓪᓗᑎᒃ ᐃᓄᖑᐊᓄᑦ.
  • ᐅᓂᒃᑳᖅᑕᖏᑦ ᐅᓂᒃᑳᖅᑐᑦ ᓲᓗᕐ ᐊᑕᐅᓯᕐᒦᑦᑐᒥᒃ, ᑭᓯᐊᓂ ᖃᓄᐃᓕᐅᖅᐸᓪᓕᐊᓂᖏᑦ ᐊᑕᐅᓯᕐᒦᖏᑦᑐᑦ (ᓲᕐᓗ ᐆᒃᑑᑎᒍᓗᒍ, ᑖᓐᓇ ᓴᓇᐅᒐᖅᓂ ᐅᓕᒃᑲᖅᑐᖅ ᐅᖃᓕᒫᕐᓇᖏᑦᑐᑦ, ᓴᐅᒥᖕᒥᒃ, ᑕᓕᖅᐱᖕᒧᑦ). ᓄᓇᖃᖄᖅᑐᐃᑦ ᐃᓱᒪᖃᕐᓂᖏᑦ ᐊᔾᔨᐅᖏᒻᒪᑕ ᑕᒡᕗᓇ ᖃᓗᓈᓂᒃ.
  • ᐊᔾᔨᖑᐊᖏᑦ ᐊᕕᒃᑐᖅᓯᒪᔪᑦ ᐃᓗᐊᓃᖏᑦᑐᑦ (ᓲᕐᓗ ᖃᓗᓈᓂ ᐃᔪᖅᓵᕈᑎᑦ ᑭᑉᐹᕆᒃᑐᓃᖃᑦᑕᕐᒪᑕ ᐊᑐᓂ ᐱᕙᓪᓕᐊᓂᖏᑦ ᕿᔪᖁᑎᒦᖢᑎᒃ).
  • ᐃᓂᒃᓴᓕᐅᖅᓯᒪᖏᑦᑐᑦ, ᑕᒪᐃᓐᓂ ᓇᓃᓐᓂᖏᓐᓂ (ᓱᕐᓗ ᑭᒡᓕᖃᖑᐊᖏᑦᑐᖅ ᓄᓇ) ᐅᕙᓗᓐᓃᑦ ᐅᖓᓯᖕᓂᖏᓐᓂᒃ (ᑕᑯᓗᒋᑦ ᐃᓄᖑᐊᑦ ᓲᕐᓗ ᐊᓇᓇ ᕿᔅᓯᕆᔪᖅ ᖁᓛᑕ ᕿᑎᐊᓂ ᐅᕙᓗᓐᓃᑦ ᐊᑖᑖᖓ ᓇᑦᑎᖅᓯᒪᔪᖅ ᓴᐅᒥᐊᓃᑦᑐᖅ ᑭᒡᓕᐊᓂ).
  • ᐊᖏᓂᖏᓐᓂᒃ ᒥᑭᒡᓕᕙᓪᓕᐊᓂᖏᓐᓂᒃ ᐊᖏᓂᖃᖅᑎᑕᐅᖏᑦᑐᑦ. ᐱᒻᒪᕆᐅᓂᖅᐋᑦ ᐃᓄᖑᐊᑦ ᐱᖁᑏᓪᓗ ᐊᖏᓂᖅᐹᖑᔪᑦ, ᐃᓱᒪᒋᓇᒋᑦ ᖃᓄᖅ ᐃᓅᓯᓪᓚᕆᖕᒥ ᐊᖏᓂᖃᕐᒪᖔᑕ. ᓲᕐᓗ ᐆᒃᑑᑎᒋᓗᒍ, ᐊᓈᓇᐅᔫᑉ ᑎᒍᒥᐊᖅᑕᖏᒃ ᑲᒦᒃ, ᑐᕌᖅᑕᐅᔪᖅ ᑕᒡᕙᓂ ᓴᓇᓯᒪᓂᖓᓄᑦ, ᐊᖏᔪᒻᒪᕆᐊᓘᕘᒃ. ᐃᓛᒃ ᐊᖏᓂᖅᐹᖑᔪᑦ ᑲᒦᑦ ᐊᒻᒪᓗ ᐊᓐᓄᕌᑦ ᐊᖏᓂᓪᓚᕆᖏᓐᓂᒃ ᒪᓕᖏᔅᓱᑎᒃ.

ᒥᐊᓱᓕᐊᕆᓗᒋᑦ ᐅᕙᓗᓐᓃᑦ ᑕᕐᕆᔭᐅᑎᒃᑰᕐᑎᓪᓗᒋᑦ ᓴᓇᐅᓯᒪᖕᒥᔭᖏᑦ ᐊᓯᖏᑦ ᒪᓇᐃ ᓇᐹᖅᑑᑉ, ᖁᓛᓂ ᐊᑖᓂᓗ ᓯᑰᑉ - ᐊᑕᐅᓯᖅ ᓄᓇᕐᔪᐊᖅ. ᑕᐃᓇ ᐱᓕᕆᐊᖑᓯᒪᔪᖅ ᕿᓯᖕᒥᒃ ᐊᒻᒪᓗ ᐃᓛᖅᑐᖅᓯᒪᓪᓗᓂ ᖃᓪᓗᓈᖅᑕᕐᒥᒃ ᐊᒻᒪᓗ ᐅᓂᒃᑳᕈᑏᑦ ᑎᑎᖃᐃᑦ ᐊᑐᖅᓱᓂᒋᑦ ᕿᕐᓂᖅᑐᓂᒃ. ᐃᓄᒃᑎᑐᑦ ᑎᑎᖃᐃᑦ ᐅᖃᖅᓯᒪᔪᑦ "ᐊᒡᓗᓯᐅᖅᑐᖅ ᓇᓄᖅ", "ᑕᓇ ᐊᕐᓇᖅ ᓇᕆᐊᖅᑎᑖᖅᑐᖅ ᐊᒻᒪᓗ "ᐅᑕᕿᔪᖅ ᐊᒡᓗᒥ".

ᐅᔾᔨᕆᓂᐊᖅᐸᑎᑦ ᑕᒪᐃᓐᓂᒃ ᓴᓇᓯᒪᔭᖏᓐᓂ ᐆᒪᔪᐃᑦ ᓯᑰᑉ ᐊᑖᓃᖃᑕᐅᒐᒥᒃ. ᐅᖃᐅᓯᕆᓗᒋᑦ ᑕᐃᒎᑎᐊ ᑖᔅᓱᒪ ᓴᓇᔭᐅᓯᒪᔫᑉ, ᐃᓱᒪᖏᓪᓗᒋᑦ ᑕᒪᕐᒥᒃ ᓴᓇᐅᒑᒃ.

ᐊᑑᑎᖏᑦ:
ᐅᖃᐅᓯᕆᓗᒋᑦ ᐅᖃᐅᓯᖅ ᓴᓇᐅᒐᐃᑦ, ᑐᑭᖃᖅᑐᖅ ᖃᓪᓗᓈᖅᑕᕐᒥᒃ ᐃᓕᓯᕕᐅᓯᒪᔪᖅ ᐊᔾᔨᒥᒃ ᒥᖅᓱᖅᑕᐅᓯᒪᓪᓗᓂ ᓄᕕᖅᓴᖅᑕᐅᓯᒪᓗᓐᓂᓘᓐᓃᑦ, ᓂᕕᖓᓂᐊᖅᓱᓂ ᑕᑯᕋᓂᕈᑎᒃᓴᐅᓪᓗᓂ. ᑕᑯᑎᑦᑎᔪᒪᑐᐃᓐᓇᕆᐊᖃᖅᑐᑎᑦ ᐊᔾᔨᖑᐊᖏᓐᓂᒃ ᐊᓯᖏᑦ ᐃᓄᐃᑦ ᓴᓇᔨᓂᒃ ᓂᕕᖓᖅᑕᐅᓯᒪᔪᒃᓴᓂᒃ ᓴᓂᕋᕐᒧᑦ, ᓱᕐᓗ ᓴᓇᓯᒪᔭᖏᓐᓂᒃ ᓄᕕᖅᓵᒃᓴᐃᑦ ᐊᒻᒪᓗ ᑲᒥᒃᐸᒃᓴᐃᑦ/ᐊᓕᖅᑎᒃᓴᔭᐃᑦ ᓴᓇᖃᑦᑕᖅᑕᖏᑦ ᔨᐊᓯ ᐅᓈᑉ. ᓴᓇᐅᒐᓕᕆᔩᑦ ᐅᒃᐱᕈᓱᒃᑐᑦ ᑕᑯᒃᓴᐅᑦᑎᐊᖅᑐᒻᒪᕇᑦ ᓵᑑᔮᑦ ᑲᓚᖃᖅᑐᑦ ᑕᐃᒪᓚᕿᔪᑦ ᐱᖁᓯᑐᖃᕐᒥᓂᒃ ᒥᖅᓱᕐᓂᑐᖃᕐᓂᒃ. ᓲᕐᓗ ᒪᐃᓇ ᓇᐹᖅᑐᖅᑎᑐᑦ, ᔨᐊᓯ ᐅᓈᖅ ᒥᖅᓱᖅᑎᐅᓚᐅᕐᒪᑦ ᐃᓚᒥᓄᑦ, ᒥᖅᓱᖃᑦᑕᓕᕈᑎᒋᓪᓗᓂᐅᒃ ᓴᓇᐅᒐᕐᓂᒃ.

ᐊᐱᕆᓗᒋᑦ ᐃᓕᓐᓂᐊᖅᑏᑦ ᓴᓇᖁᓪᓗᒋᑦ "ᓴᓇᐅᒐᕐᒥᒃ" ᑕᑯᒃᓴᐅᔪᓂᒃ ᐃᓅᓯᕐᒥᓂᒃ ᐊᑐᖅᓯᒪᔭᒥᓂᒃ. ᑕᑯᑎᑦᑎᔭᕆᐊᖃᖅᑐᑦ ᐊᑕᐅᓯᐅᖏᑦᑐᓂᒃ ᐱᕙᓪᓕᐊᓯᒪᔪᓂᒃ ᐃᓅᓯᕐᒥᒃ, ᑕᐃᒫᒃᓴᐃᓐᓇᖅ ᒪᐃᓇ ᓇᐹᖅᑑᖅ ᓴᓇᓯᒪᔭᖓᓂᒃ. ᐃᓱᒪᒋᔭᐅᔭᕆᐊᖃᖅᑐᑦ ᑕᐅᒃᑐᖕᓂᕐᒧᑦ ᐅᖓᓯᖕᓂᖏᑦ, ᐊᖏᒡᓕᕙᓪᓕᐊᓂᖃᕐᓂᖏᑦ ᒥᑭᒡᓕᕙᓪᓕᐊᓂᖃᕐᓂᖏᓪᓗ, ᐊᒻᒪᓗ ᕿᔪᖁᑎᓃᓐᓂᐊᕐᒪᖔᑕ ᐊᒻᒪᓗ ᖃᓄᖅ ᐊᕕᒃᑐᖅᓯᒪᓂᐊᕐᒪᖔᑕ ᐱᕙᓪᓕᐊᓂᖑᑦ ᑲᑎᖓᖏᓗᑎᒃ. ᓂᕈᐊᕈᓐᓇᖅᑐᑦ ᐊᔾᔨᖑᐊᓕᐅᕈᓐᓇᕐᓂᖅ ᓄᓇᖃᖄᖅᑐᑦ ᐃᓱᒪᖓᓂᒃ ᒪᓕᒃᓗᑎᒃ ᐅᕙᓗᓐᓃᑦ ᐊᓯᐊᓂᒃ. ᓴᓇᕕᖃᕈᓐᓇᖅᑐᑦ ᐸᐃᐹᕐᒥᒃ/ᐊᓕᓚᔪᕐᒥᒃ, ᖃᑉᓗᓈᖅᑕᖅᒥᒃ, ᐅᕙᓗᓐᓃᑦ ᐊᓐᓄᕌᒃᓴᔭᒥᒃ ᓂᕈᐊᖅᑕᒥᓂᒃ. ᐃᓕᓐᓂᐊᖅᑐᑦ ᐱᔭᕇᕆᐊᖃᖅᑐᑦ ᐅᓂᒃᑳᓕᐊᕆᓂᐊᖅᑕᒥᓂᒃᓗ ᑎᑎᕋᐅᔭᖅᓯᒪᖄᕐᓗᒍᓗ, ᐊᒻᒪᓗ ᓴᓇᒋᐊᓕᕐᓗᒍ ᐊᖏᔫᖅ, ᑲᓚᖃᖅᑐᖅ ᓇᖕᒥᓂᖅ ᓴᓇᐅᒐᕆᓂᐊᖅᑕᓂ.

ᐃᓚᒋᐊᕈᑎᒃᓴᐃᑦ ᐱᓕᕆᐊᒃᓴᐃᑦ:
ᐃᓚᒋᐊᕈᑎᒃᓴᖏᓐᓂ ᑖᒃᑯᐊ ᐱᓕᕆᐊᒃᓴᐃᑦ ᐃᓄᐃᑦ ᓴᓇᐅᒐᖏᑦ: ᓴᓇᐅᒐᓪᓚᕆᐅᓂᖏᑦ ᑲᒦᑦ, ᐃᓕᓐᓂᐊᖅᑐᑦ ᐊᕕᒃᑐᖅᑕᐅᓂᐊᖅᑐᑦ 8-ᓄᑦ ᐃᓚᒌᒃᓱᖅᑐᓄᑦ. ᑕᒪᕐᒥᒃ ᑎᒥᐅᔪᑦ ᖃᐅᔨᓴᕐᓂᐊᖅᑐᑦ ᐃᓚᐃᓐᓇᖓᓂᒃ ᐊᔾᔨᒌᖏᑦᑑᑎᓂᒃ ᐃᓄᐃᑦ ᑎᒥᖁᑎᖏᓐᓂᒃ ᑕᑯᔭᒐᖃᕐᕕᖕᒥ ᑲᒥᕗᑦ: ᐃᓄᐃᑦ ᐊᕐᓇᐃᑦ ᓴᓇᐅᒐᖏᓃᑦᑐᓂ. ᐊᑐᕐᓂᐊᖅᑐᑦ ᐃᓕᑕᒥᓂᒃ ᐃᓕᓐᓂᐊᖅᑕᖏᓐᓂ ᑲᒥᖕᓂ, ᐊᔾᔨᖑᐊᕐᓃᖃᑕᐅᔪᓂ ᐅᕙᓂ ᑲᑎᖓᓗᑎᒃ ᐃᓕᓐᓂᐊᖅᑏᑦ ᑎᓕᔭᐅᓂᖏᑦ 1 - 8 - ᓴᓇᓯᒪᓂᖏᑦ ᑲᒦᑦ. ᑖᒃᑯᐊ ᑎᒥᐅᔪᑦ ᐸᕐᓇᐃᓂᐊᖅᑐᑦ ᐅᓂᒃᑳᕐᓗᑎᒡᓗ ᖃᐅᔨᓯᒪᔭᒥᓂᒃ ᐃᓕᓐᓂᐊᖃᑎᖏᓐᓄᑦ, ᐅᖃᐅᓯᕆᓗᐊᕐᓗᒋᑦ ᒥᖅᓱᕈᓐᓇᕐᓂᖏᑦ ᐊᒻᒪᓗ ᐊᔪᖏᓐᓂᖏᑦ ᐊᕐᓇᐃᑦ ᑲᒥᓕᐅᖃᑦᑕᕐᓂᖏᑦ ᑕᒪᐃᓐᓂᒃ ᐊᑑᑎᖃᑦᑎᐊᖅᑐᒥᒃ ᐊᒻᒪᓗ ᐱᐅᔪᕐᔪᐊᓂᒃ. ᐃᓕᓐᓂᐊᖅᑏᑦ ᑎᓕᐅᖅᑕᐅᔭᕆᐊᓖᑦ ᐃᓚᐅᑎᑦᑎᓗᑎᒃ ᑎᑎᖃᓂᒃ ᐅᓂᒃᑳᖅᑕᖏᓐᓂ. ᑎᑎᖃᐃᑦ ᐅᖃᖅᑕᐅᓯᒪᔪᐃᑦ ᐊᑑᑎᖃᒻᒪᕆᖕᓂᐊᖅᒪᑕ ᐃᑲᔫᑕᐅᓗᑎᒃ ᐃᓕᓐᓂᐊᖅᑎᓄᑦ ᐊᑕᔪᓐᓇᕐᓂᖅ ᐃᓄᓪᓚᑖᕐᓄᑦ ᐅᖃᐅᓯᐅᔪᕕᓂᕐᓄᑦ.



ᑎᑭᓴᕐᓕ ᐊᔾᔨᓕᐅᖅᑕᐅᓯᒪᔪᓂᒃ ᑕᐅᒍᑏᑦ Adobe Reader-ᖑᔪᑦ