ᐅᖃᐅᓰᑦ

ᐅᖅᓱᖅ - ᐅᖅᓱᖏᑦ ᓇᑦᑏᑦ, ᕿᓇᓗᒐᐃᑦ, ᐊᕐᕖᑦ, ᐊᐃᕖᓪᓗ.

ᐊᒡᓗᐃᑦ - ᓇᑏᑦ ᐆᓇᖅᑐᒥᒃ ᐊᐅᖃᕐᒪᑕ ᐳᐃᖃᑦᑕᕆᐊᖃᖅᐳᑦ ᑕᕆᐅᕐᒥᒃ ᐊᓂᓵᖅᓗᑎᒃ. ᐅᑎᖃᑦᑕᖅᑐᑦ ᐊᒡᓗᑐᖃᕐᒥᓄᑦ ᐊᒥᓱᐃᖅᑕᖅᓱᑎᒃ, ᑕᐃᒫᒃ ᖁᐊᒃᑲᓐᓂᕐᓂᐊᖏᒻᒪᑦ. ᑕᐃᔅᓱᒪᓂ, ᐃᓄᐃᑦ ᐊᖑᓇᓱᒋᐊᖅᑐᑦ ᐊᐅᓛᖅᐸᓚᐅᖅᑐᑦ ᓯᑯᒧᑦ ᑎᓯᐱᕆᒥ. ᕿᒥᓄᑦ ᐃᑲᔪᖅᑕᐅᓪᓗᑎᒃ ᐅᕙᓗᓐᓃᑦ ᖃᐅᔨᓴᖅᓱᒍ ᐊᐳᑎ ᐃᓗᑐᓂᖃᕐᒪᖔ, ᐊᖑᓇᓱᒃᑏᑦ ᓇᓂᓯᓲᑦ ᐊᒡᓗᓂᒃ, ᑕᒡᕙᓃᖏᓐᓇᕐᓂᐊᓕᖅᓱᓂᓗ ᐅᑕᕿᓂᐊᕋᒥᐅᒃ ᐅᑎᖅᓯᐊᕆᓗᒍ ᐊᒡᓗᒧᑦ. ᐊᒥᓲᔪᓐᓇᖅᑐᑦ ᐃᑲᕐᕋᐃᑦ ᐅᑕᕿᓂᖓᓂ, ᑕᐃᓇᓗ ᐊᖑᓇᓱᒃᑐᖅ ᓄᖃᖓᐃᓇᕐᓂᐊᖅᑐᖅ ᐅᑕᕿᓂᕐᒥᓂ. ᓇᑦᑎᖅ ᖃᐃᒍᓂ ᐊᓂᖅᓵᕆᐊᖅᑐᕐᓗᓂ ᐊᒡᓗᒧᑦ, ᐊᖑᓇᓱᒃᑏᐅᑉ ᐅᓈᓕᖕᓂᐊᖅᑖ ᓇᑦᓯᖅ. ᐅᓈᑉ ᑐᒃᑲᖓ, ᐊᑕᔪᖅ ᑕᑭᔪᒧᑦ ᐊᒃᖢᓈᖅᒧᑦ, ᐲᕐᓂᐊᖅᑐᖅ, ᓂᐊᖁᐊᓃᓗᓂ, ᐊᒧᔭᐅᔪᓐᓇᕐᓂᐊᕐᒪᑦ ᓇᑦᑎᖅ ᐊᒡᓗᐊᒍᑦ. ᐊᖑᓇᓱᑏᑦ ᑕᐃᒪᓐᓇ ᓱᓕ ᓇᑦᑎᖅᓯᐅᖅᐸᒃᑐᑦ, ᖁᑭᐅᑎᓂᒃ ᐊᑐᖃᑦᑕᖅᓱᑎᒃ, ᐅᓈᕐᓂᐅᖏᑦᑐᖅ.

ᓄᖑᓴᐃᓂᖅ - ᐊᖑᓇᓱᒃᑕᐅᓂᖏᑦ ᑐᖁᕋᖅᑕᐅᓂᖏᓗᓐᓃᑦ ᐆᒪᔪᐃᑦ ᐊᒥᓲᓗᐊᓕᖅᑎᓪᓗᒋᑦ.

ᕼᐊᑲᐱᒃ - ᓴᓇᕐᕈᑏᑦ ᓄᐊᕖᒥᐅᑕᐃᑦ ᓴᓇᓯᒪᔭᖏᑦ ᐊᓇᐅᑕᐅᓪᓗᑎᒃ ᓇᑦᓯᕐᓄᑦ, ᓂᐅᖁᖃᕐᒪᑕ, ᖃᕆᑕᖓᓂᒃ ᓂᐊᖁᐊᖅᓯᔾᔪᑏᑦ ᐊᒻᒪᓗ ᓂᒃᓯᖃᖅᓱᑎᒃ (ᓂᒃᓯᒃᑕᐅᓯᒪᓗᓂ ᐅᓂᐊᖅᑕᐅᓂᐊᕐᒪᑦ) ᐆᒪᔪᕕᓂᖅ ᐃᓱᐊᒍᑦ. ᐊᑐᖅᑕᐅᑦᑎᐊᕌᖓᑦ, ᐅᖃᐅᑕᐅᓯᒪᔪᖅ ᑐᖂᑎᑲᐅᑎᒋᓐᓇᕐᒪᑦ ᐆᒪᔪᕐᒥᒃ. ᐃᓚᖏᑦ ᐊᖑᓇᓱᒃᑏᑦ ᐊᑐᕈᒪᓲᑦ ᑕᐃᒫᒃ ᑐᖂᑦᑎᔪᓐᓇᕐᓂᐊᕐᒪᑕ ᓈᑦᓯᕐᒥᒃ ᓱᕈᖏᓪᓗᒍ ᐊᒥᐊ. ᑲᓇᑕᒥ, ᕼᐊᑲᐲᑦ ᐊᑐᖅᑕᐅᕙᒃᑐᑦ ᐱᓗᐊᖅᑐᒥᒃ ᑭᓯᐊᓂ ᑲᓇᖕᓇᖅᐸᓯᖕᒥᐅᓂ ᓂᐅᕙᓐᓛᒥ. ᐊᑐᖅᑕᐅᖁᔭᐅᔪᓐᓃᕋᓱᐊᖅᑐᑦ ᕼᐊᑲᐲᑦ, ᑲᓇᑕᐅᑉ ᒪᓕᒐᓕᐅᖅᑎᖏᓐᓄᑦ ᐊᕐᕋᒍᒐᓴᖕᓂ, ᐃᓱᒪᓘᑕᐅᓂᖏᓐᓄᑦ ᐱᐅᖏᑦᑑᔭᕈᑕᐅᓗᐊᖃᑦᑕᕐᓂᖏᑦ ᓇᑦᓯᖅᓯᐅᖅᑏᑦ, ᔪᐊᕆᑉᒥᐅ ᐃᓱᒪᒃᓴᖅᓯᐅᕈᑎᖃᕐᓂᖏᓐᓂ ᑎᑭᓴᐃᖃᑦᑕᔮᕈᓐᓃᕐᓂᖅ ᓇᑦᓯᕐᓂᒃ ᓴᓇᓯᒪᔪᓂᒃ ᕿᓯᖕᓂᒡᓗ. ᑕᒪᕐᒥᒃ ᓇᑦᓯᖅᓯᐅᖅᑏᑦ ᓯᕐᓇᖅᑏᓪᓗ ᐱᔪᒪᖏᑦᑐᑦ ᐊᑐᕈᓃᕈᒪᓂᖅ ᓴᓇᕐᕈᑎᒥᒃ, ᐱᔾᔪᑕᐅᓪᓗᑎᒃ ᑕᒪᕐᒥᒃ ᐅᖃᖃᑦᑕᕐᓂᖏᑦ ᖁᑭᐅᑏᑦ ᑐᖂᑦᑏᓐᓇᖃᑦᑕᖏᓐᓂᖏᑦ ᓇᑦᓯᕐᓂᒃ, ᐊᐅᓈᑐᐃᓐᓇᕆᐊᖃᑕᕐᒪᑕ ᓯᑯᒥ, ᑭᓯᐊᓂ ᐊᖑᓇᓱᒃᑏᑦ ᖃᓂᓈᕆᔪᓐᓇᖅᕈᑎᒃ ᑐᒡᓕᕐᒥᒃ ᖁᑭᖕᓂᐊᖅᑕᖓᓂᒃ.

ᐅᓈᖅ - ᓴᓇᕐᕈᑎ ᐃᓄᖕᓄᑦ ᐊᑐᖅᑕᐅᓲᖅ ᐅᓈᕐᓂᕐᒧᑦ ᑕᕆᐅᕐᒥᐅᑕᐅᓗᐊᖅᑐᓂᒃ ᐆᒪᔪᕐᓂᒃ, ᐅᓈᖅᑕᓕᒃ, ᐱᕈᓐᓇᖅᑐᖅ ᑐᒃᑲᖓ, ᐊᒻᒪᓗ ᐊᒃᖢᓈᖃᖅᓱᓂ.

ᐃᓄᐃᑦ - ᓄᓇᖃᖄᖅᑐᑦ ᑲᓇᑕᐅᑉ ᐅᑭᐅᖅᑕᖅᑐᖓ. ᐃᓄᐃᑦ ᑐᑭᖃᖅᑐᖅ ᐃᓄᑐᐃᓐᓇᐅᓂᕋᐃᓂᕐᒥᒃ.

ᑲᒥᒃ - ᐃᓄᒃᑎᑐᖅ ᐅᖃᐅᓯᖅ ᕿᑎᖅᒥᐅᓂ ᑲᓇᖕᓇᕐᒥᐅᓂᓗ ᑲᓇᑕᐅᑉ ᐅᑭᐅᖅᑕᖅᑐᖓᓂ, ᑐᑭᖃᖅᑐᖅ ᐃᑎᒐᖕᓂ ᐊᑐᖅᑕᐅᖃᑦᑕᖅᑐᓂ.

ᐃᓱᒪᒥᒍᑦ ᑕᐅᖕᓂᖅ - ᐃᓱᒪᒃᑯᑦ ᑕᐅᑐᒐᕆᔭᖅ ᓇᓗᓇᐃᒃᑯᑕᐅᕗᖅ ᐱᒋᐊᕋᔭᖅᑐᖅ ᓯᕗᓪᓕᖅᐹᕐᒥᒃ ᐃᓱᒪᒋᔭᐅᖄᖅᓯᒪᔪᒥᒃ, ᐃᓚᖃᖅᓱᑎᒃ ᓄᑖᓂᒃ ᐃᓚᖏᓐᓂᓗ ᐃᓱᒪᒋᔭᐅᔪᓂᒃ ᐱᒋᐊᖅᓯᒪᔪᓂᒃ ᕿᑎᐊᓂᒃ. ᐃᓱᒪᖏᓪᓗᒋᑦ ᐱᒻᒪᕆᐅᔪᑦ ᐊᒻᒪᓗ ᐃᓚᖏᑦ ᐊᑕᔪᑦ ᐃᓱᒪᒋᔭᐅᖄᖅᓯᒪᔪᓄᑦ, ᑕᒪᓐᓇ ᐃᓱᒪᒃᑯᑦ ᑕᐅᑐᒐᖅ ᖃᐅᔨᒪᓂᖅ ᐊᑑᑕᐅᕗᖅ ᑐᑭᓯᐅᒪᓂᕐᒧᑦ ᐊᒻᒪᓗ ᐃᖅᑲᐅᒪᓂᕐᒧᑦ ᓄᑖᓂᒃ ᖃᐅᔨᒪᔭᒃᓴᓂᒃ.

ᐃᕿᑎᖅᓯᒪᔪᑦ ᐊᓚᐃᑦ/ᐊᑐᖓᐃᑦ - ᐆᒃᑐᖅᑕᐅᓯᒪᔪᑦ ᐊᓚᒃᓴᐃᑦ/ᐊᑐᖓᒃᓵᒃ ᐊᖏᓂᖅᓴᐅᓲᑦ ᐃᑎᒐᐅᑉ ᐊᖏᓂᓪᓚᕆᐊᓂᒃ. ᐊᖑᓚᔭᐅᖃᑦᑕᖅᑐᑦ, ᓵᒡᓕᑎᖅᑕᐅᓯᒪᓪᓗᑎᒃ, ᒪᒦᔭᖅᑕᐅᓯᒪᖃᑦᑕᖅᓱᑎᒡᓗ ᐊᕿᒡᓕᓂᐊᕐᒪᑕ/ᕿᑐᓕᓂᐊᕐᒪᑕ. ᑕᐃᒫᒃ ᒥᖅᓱᖅᑐᖅ ᒥᖅᓱᕈᓐᓇᕐᓂᐊᕐᒪᑦ ᒥᑭᑦᑑᑎᒻᒪᕆᐊᓗᖕᓂ ᑭᓗᖕᓂᒃ, ᐃᕿᑎᖅᓯᒪᔪᓂᒃ. ᐃᕿᑎᖅᓯᓲᑦ ᒥᑭᔫᑎᓂᒃ ᑭᓗᓕᖕᓂᒃ ᓱᑲᑎᕆᕙᓪᓕᐊᓪᓗᑎᒃ. ᐃᕿᑎᖅᓯᒪᔪᑦ ᐊᑑᑕᐅᔪᑦ ᐊᓚᖓᓂᒃ ᖁᒻᒧᖓᓕᕈᑕᐅᓪᓗᑎᒃ, ᑭᖕᒥᐊᒍᑦ, ᐳᑐᒍᐊᒍᓪᓗ.

ᓴᓕᒎᑦ - ᓴᓕᒎᑦ ᒥᖁᐃᔭᐅᑦ ᐊᒻᒪᓗ ᐊᕿᓕᓴᐅᑦ ᕿᓯᖕᒥᒃ ᐊᒥᕐᒥᒡᓗ.

ᓴᓕᒍᐃᕕᒃ/ᓯᕐᓕᕆᔭᐃᕕᒃ ᐊᓪᓕᕋᖅ - ᒪᕐᕉᒃ ᕿᔫᒃ ᓵᑦᑑᒃ ᑭᑭᐊᒃᑐᖅᓯᒪᔪᑦ ᐃᒡᓗᐊ ᐃᓱᐊ ᐊᑦᑎᖕᓂᖅᓴᐅᓪᓗᓂ, ᕿᓯᒃ ᐊᒥᕐᓗᓐᓃᑦ ᑕᒡᕙᓂ ᐃᓂᓚᖓᓂᐊᕐᒪᑦ ᐅᖅᓱᐃᔭᖅᑕᐅᓂᖓᓂ, ᒥᖁᐃᔭᖅᑕᐅᓂᖓᓂᓗᓐᓃᑦ. ᐃᓚᖏᑦ ᕿᓰᑦ ᐊᒦᓪᓗ ᐱᐅᖃᑦᑕᖏᑦᑐᑦ ᓴᓗᒻᒪᖅᓴᖅᑕᐅᓂᖏᑦ ᐊᓪᓕᕋᕐᒥ, ᐃᔾᔪᓗᐊᕐᓂᖏᓐᓂᒃ ᐅᕙᓗᓐᓃᑦ ᐊᓕᒃᓴᕋᐃᓗᐊᕐᓂᖏᓐᓄᑦ.

ᐃᕙᓗ - ᓂᐅᖓᓂᒃ ᐆᒪᔪᑉ ᓄᑭᖓᓃᑦᑐᑦ ᓲᕐᓗ ᑐᒃᑐᕙᖕᒥᒃ ᑐᒃᑐᒥᒡᓗᓐᓃᑦ, ᐸᓂᖅᑎᑕᐅᓪᓗᓂ, ᐲᔭᖅᑕᐅᓪᓗᑎᒡᓗ ᐃᕙᓗᖑᓲᑦ ᓴᖏᔪᒻᒪᕇᑦ. ᐊᖏᒡᓕᖃᑦᑕᖅᑐᖅ ᖃᐅᓯᓕᕌᖓᑦ, ᑕᐃᒫᒃ ᐊᖕᒪᔪᕐᓂᒃ ᓯᒥᒃᓯᓲᖑᕗᖅ ᐳᑐᓕᐊᖑᓯᒪᔪᓂᒃ ᒥᖅᖁᑎᓄᑦ, ᐊᑐᖅᑕᐅᔪᓪᓗ ᐃᒻᒪᒌᖕᓂᖅᓴᐅᖃᑦᑕᖅᓱᑎᒃ ᑕᐃᒫᒃ.

ᐊᓚ/ᐊᑐᖓᒃ - ᐊᑖᓃᑦᑐᖅ ᑲᒥᐅᑉ ᐊᑎᒐᒃᓯᐅᑎᐅᓗᓐᓃᑦ, ᑐᖓᔪᖅ ᓄᓇᒧᑦ.

ᐃᓐᓂᕐᕕᒃ - ᑭᐹᕆᒃᑐᖅ ᕿᔪᖕᓂᒃ ᓇᐳᓂᒃ ᓴᓇᓯᒪᔪᖅ ᕿᔪᖕᓂᒡᓗᓐᓃᑦ ᑭᑭᐊᒃᑐᖅᓯᒪᔪᓂᒃ ᐅᕙᓗᓐᓃᑦ ᕿᓚᒃᑐᖅᑕᐅᓯᒪᔪᓂᒃ. ᕿᓯᒃ ᒪᒦᔭᖅᑕᐅᓯᒪᔪᖅ ᐅᖅᓱᐃᔭᖅᑕᐅᓯᒪᓪᓗᓂᓗ ᑕᓯᑎᖅᑕᐅᖃᑦᑕᖅᑐᖅ ᐃᓐᓂᕐᕕᖕᒧᑦ ᐸᓂᖅᓯᐊᖑᓂᐊᕐᒪᑦ.

ᓂᕕᖓᑕᖅ ᓴᓇᐅᒐᖅ - ᓂᕕᖓᓂᐊᖅᑐᖅ ᐊᔾᔨᖑᐊᖅ, ᐱᐅᔫᑎᓂᒃ ᐊᒥᓱᓂᒃ ᕿᕐᓂᕐᓂᐅᔪᓂᒃ
ᖃᐅᓪᓗᕐᓂᐅᔪᓂᒡᓗ ᐊᑐᖅᓱᑎᒃ ᕿᓯᖕᓂᒃ ᓴᓇᓯᒪᔪᖅ, ᐃᓛᖅᑐᖅᑕᐅᕙᓪᓕᐊᓗᑎᒃ.

>ᐅᓗ - ᐊᖕᒪᓗᕐᓚᒃᑐᖅ ᐱᓚᐅᑦ ᐊᑐᖅᑕᐅᓱᖅ ᐊᕐᓇᓄᑦ ᐅᑭᐅᖅᑕᖅᑐᓕᒫᒥ.