Warning: substr() expects parameter 1 to be string, array given in /usr/local/home/w1002405/inuk/our-boots/index.php on line 1436

ᐃᒃᐱᐊᕐᔪᒃ, ᔪᓚᐃ 1984
ᐊᔾᔨᓕᐅᖅᑕᐅᔪᖅ ᔨᐅᓪ ᐆᒃᔅᒧᑦ


Warning: substr() expects parameter 1 to be string, array given in /usr/local/home/w1002405/inuk/our-boots/index.php on line 1436
  •  
  • Ulayok Kaviok hunting seal in Arviat
  • Magnifying Glass

ᐅᓛᔪᒃ ᖃᕕᐅᖅ ᓇᑦᑎᖅᓯᐅᖅᑐᖅ
ᐊᔾᔨᓕᐅᖅᑕᐅᔪᖅ ᔨᐅᓪ ᐆᒃᔅᒧᑦ

ᓄᓇ

ᐊᐅᔭᒃᑯᑦ 24-ᓂᒃ ᐃᑲᕐᕋᓂᒃ ᑲᐃᕕᑦᑐᓂᒃ ᖃᐅᒪᕙᒃᑐᖅ, ᐅᑭᐅᒃᑯᑦ 24-ᓂᒃ ᐃᑲᕐᕋᓂᒃ ᑖᖅᐸᒃᓱᓂ. ᑭᓐᖓᖃᐅᖅᑐᑦ ᓯᒡᔭᒨᖓᔪᑦ, ᐊᒻᒪᓗ ᓄᓇᑐᐃᓐᓇᐃᑦ ᒪᓂᕋᒻᒪᕆᐅᓪᓗᓂ ᒪᓃᑦᑐᐊᓗᐃᑦ ᓄᓇᐃᑦ. ᐃᓚᖏᑦ ᐃᓄᐃᑦ ᐃᓚᒌᒃᓱᖅᑐᑦ ᐃᓅᔾᔪᑎᖃᓗᐊᖅᐸᒃᑐᑦ ᓇᑦᑎᕐᓂᒃ, ᐃᓚᖏᑦ ᑐᒃᑐᓂᒃ. ᐊᐳᑎᖃᕋᓗᐊᖅᓱᓂ, ᑕᒪᓐᓇ ᐸᓂᖅᑐᒻᒪᕆᐅᕗᖅ ᓲᕐᓗ ᐃᒪᖃᖏᑦᑐᑎᑐᑦ ᖃᓗᓈᓂ. ᓄᓇ ᑕᒪᓐᓇ ᐃᓕᖅᑯᓯᕐᒧᑦ ᐊᒃᑐᐊᓂᖅᐹᖑᔪᖅ ᐃᓕᖁᓯᖃᕈᑎᒋᓪᓗᑎᒍᑦ ᐊᕙᑎᒋᓪᓗᑎᒍᓪᓗ.

ᔨᓂ ᓚᓂ, ᓴᐊᔭ ᐅᕙᑐᐊᑦᑎᐊᖅ ᕕᓕᒃ ᐊᒻᒪᓗ ᓵᓕ ᕿᒥᑦᓈᖅ ᐅᐊᑉᔅᑕ, 1995

ᑲᓇᑕᒥ ᐅᑭᐅᖅᑕᖅᑐᖅ ᐊᕕᒃᑐᖅᓯᒪᓂᐅᖕᒪᑦ ᐱᒻᒪᕆᐊᓘᕙᒃᑐᓂᒃ ᐱᑕᖃᖅᑐᖅ; ᓯᓚᖓ, ᓂᒡᓚᓱᖕᓂᖓ ᐊᒻᒪᓗ ᐱᑕᖃᕐᓂᖏᑦ ᐆᒪᔪᐃᑦ. ᓄᓇᖓ ᐊᔾᔨᒋᖏᑦᑑᑎᒻᒪᕆᐅᕗᖅ, ᓇᐹᖅᑐᖃᖏᑦᑐᓂᒃ ᑭᖓᖃᐅᖅᓱᑎᒃ, ᑲᓇᖕᓇᖓᓂ, ᑕᒪᒃᑯᓄᖓ ᑎᑭᑦᑐᓂᒃ ᐅᔭᕋᓛᓕᖕᓂᒃ ᐊᒻᒪᓗ ᓄᓇᔭᖃᐅᖅᑐᓂᒃ ᐃᒪᕐᒥ, ᕿᑎᖅᒥᐅᓂ. ᑭᓯᐊᓂ ᐊᔾᔨᒋᒃᑐᑦ ᐅᕘᓇ, ᓄᓇᖓ ᐃᓗᐊᓂ ᖁᐊᖑᐃᓐᓇᖅᑐᖅ ᐃᔾᔪᓂᖃᕈᓐᓇᖅᑐᖅ 10-ᖐᓂᑦᑐᓂᒃ ᒦᑕᓂᒃ, 100-ᖏᓐᓃᑦᑐᓄᑦ ᒦᑕᓂᒃ ᐃᔾᔪᓂᖃᕈᓐᓇᖅᓱᑎᒃ. ᖁᑦᑎᒃᑐᒥᐅᓂ ᐅᑭᐅᖅᑕᖅᑐᒥ ᖁᐊᖑᓪᓗᓂ ᐸᓂᖅᑐᒻᒪᕆᐅᕗᖅ, ᒥᑭᓂᖅᓴᒥᒃ ᒪᖁᖕᓂᖃᓲᖅ 25 ᓴᓐᑎᒦᑕᒥᒃ ᐊᕐᕋᒍᑕᒫᖅ ᐃᒻᒪᖃᑦᑕᖅᓱᓂ. ᐸᓂᕐᓂᐊᓗᐊᓄᑦ, ᐱᕈᖅᑐᖃᑦᑎᐊᕈᓐᓇᖏᑦᑐᖅ, ᐊᒥᓲᖏᓱᑎᒡᓗ ᐆᒪᔪᐃᑦ. ᐃᓄᐃᑦ ᑕᐅᕙᓂ ᓄᓇᖃᖅᑐᑦ ᑭᒡᓕᖏᓃᖃᑦᑕᖅᑐᑦ ᓯᒡᔭᓕᖕᓂ ᐊᒻᒪᓗ ᓯᓈᓄᖓᐅᖃᑦᑕᖅᓱᑎᒃ ᐃᓅᔾᔪᑎᖃᕋᒥᒃ ᑕᕆᐅᕐᒥᐅᑕᓂᒃ ᐳᐃᔨᓂᒃ ᐆᒪᔪᕐᓂᒃ ᑎᖕᒥᐊᕐᓂᒡᓗ. ᐊᑦᑎᖕᓂᖅᓴᐃᑦ ᐅᑭᐅᖅᑕᖅᑐᒦᓐᓂᖏᑦ ᒪᖁᒐᔪᖕᓂᖅᓴᐅᓲᑦ ᑕᐃᒪᐃᓐᓂᖏᓄᓪᓗ ᐱᕈᕐᕕᐅᓂᖅᓴᐅᓲᑦ ᓄᓇᔭᕐᓂᒃ, ᐃᕕᖕᓂᒃ, ᒪᓂᖅᓂᒃ, ᐊᒻᒪᓗ ᐅᖅᐱᑲᓂᒃ, ᓇᐹᖅᑐᕋᓛᓂᒃ ᓂᕿᒋᔭᐅᖃᑦᑕᖅᓱᑎᒃ ᐆᒪᔪᕐᓄᑦ ᓲᕐᓗ ᑐᒃᑐᓄᑦ, ᐅᒥᖕᒪᖕᓄᑦ, ᐊᒪᕈᕐᓄᑦ, ᑎᕆᒐᓂᐊᓄᓪᓗ. ᑕᒪᓐᓇ ᐊᒃᓱᕈᕐᓇᖏᓐᓂᖅᓴᐅᔪᖅ ᐊᕙᑎᖓ ᐱᔪᓐᓇᐅᑕᐅᕙᒃᑐᑦ ᐃᓄᖕᓄᑦ ᐊᓯᖏᓐᓂᒃ ᐊᑐᕐᓂᖅᓴᐅᔪᓐᓇᕐᓂᖅ ᐃᓅᓯᓕᐅᕐᓂᕐᒥᓂ.