•  
  • A photograph of an Ungava Inuit man in a traditional seal skin parka and trousers.
  • Magnifying Glass

ᐃᓄᒃ ᐊᖑᑦ ᕿᓯᖕᓂᒃ ᔭᐸᓯᒪᔪᖅ/ᐊᑎᒋᓯᒪᔪᖅ ᖃᕐᓕᒃᓯᒪᓪᓗᓂᓗ ᕿᓯᖕᓂᒃ.
ᐊᕐᕕᐊᑦ, ᓄᓇᕗᑦ
ᐊᔾᔨᓕᐅᖅᑕᐅᔪᖅ ᔨᐅᓪ ᐆᒃᔅᒧᑦ

ᕿᓰᑦ ᐊᓐᓄᕌᑦ

ᖃᐃᒋᑦ ᐅᕙᓐᓄᑦ
ᖃᐃᒋᑦ ᐅᕙᓐᓄᑦ
ᒥᖅᓱᕐᓂᐊᖅᐸᕋ ᑯᑯᒃᐹᒃᓴᐃᑦ
ᐊᓐᓄᕌᕐᓄᑦ
ᒥᖅᓱᕐᓂᐊᖅᐸᒃᑲ ᐊᓚᒃᓵᒃ
ᑲᒦᒃᓵᒃᑭᖕᓄᑦ.

ᐃᖏᐅᑎᕕᓂᐊ ᐱᓯᖅ ᑲᑎᖅᓱᖅᑕᐅᓯᒪᔪᖅ/ᓄᐊᑕᐅᓯᒪᔪᖅ ᕌᔅᒥᐅᓴᓐᕕᓂᕐᒧᑦ, 1930

ᐃᓄᐃᑦ ᐊᓐᓄᕌᖏᑦ ᓴᓇᓯᒪᕙᒃᑐᑦ ᐅᖂᔾᔪᑕᐅᓂᐊᖅᑐᓂᒃ ᐅᑭᐅᖅᑕᖅᑐᒥ ᐆᒪᔪᕕᓂᕐᓂᒃ, ᓴᓇᔭᐅᓯᒪᓪᓗᑎᒃ ᐅᑭᐅᖅᑕᖅᑐᒥ ᐃᑮᓕᖅᑕᐃᓕᒪᕐᓂᒧᑦ, ᐊᒻᒪᓗ ᓴᕿᔮᕈᑕᐅᓪᓗᑎᒃ ᐃᓕᖅᑯᓯᖏᓐᓂᒃ ᐊᔾᔨᒌᖏᓐᓂᖏᓐᓂᒃ. ᐊᑐᖅᑕᐅᕙᒃᑐᑦ ᖁᓕᕇᓕᖅᑎᖅᑕᐅᓯᒪᓪᓗᑎᒃ ᐲᖅᑕᐅᔪᓐᓇᖅᑐᓂᒃ ᐃᓚᔭᐅᔪᓐᓇᖅᑐᓂᒡᓗᓐᓃᑦ ᐅᖂᓯᓗᐊᕈᑎᒃ, ᐃᒃᑮᓕᕈᑎᒡᓗᓐᓃᑦ ᑎᒥᐊᓂ. ᑕᓕᖃᕐᕕᖏᑦ ᐊᖏᓈᖅᑕᐅᕙᒃᑐᑦ ᑕᐃᓇ ᐊᓐᓄᕌᖅᓯᒪᔪᖅ ᐊᑎᓯᑲᐅᑎᒋᔪᓐᓇᕐᓂᐊᕐᒪᑦ ᐲᖅᓯᓴᐃᒍᓐᓇᕐᓗᓂᓗ ᑕᓕᖏᓐᓂᒃ ᑎᒥᒥᓂᒃ ᐃᕿᖓᓕᕈᓐᓇᕐᓂᐊᕐᒪᑕ ᐅᖂᓯᒋᐊᕈᑎᒋᓗᒍ.

ᐊᕐᓇᐃᑦ ᒥᖅᓱᖅᑎᐅᕙᒃᑐᑦ ᑕᒪᐃᓐᓂᒃ ᐃᓚᓕᒫᖏᓐᓄᑦ ᐊᓐᓄᕌᒃᓴᓂᒃ ᐊᒻᒪᓗ ᑲᒥᒃᓴᓂᒃ ᕿᓯᖕᓂᒃ ᓴᓗᒻᒪᖅᓴᖅᑕᐅᓯᒪᔪᓂᒃ ᐊᒻᒪᓗ ᐱᓕᕆᐊᕆᔭᐅᓯᒪᑦᑎᐊᖅᑐᓂᒃ. ᐊᖑᑏᑦ ᒥᖅᓱᕈᓗᐊᖅᐸᓚᐅᖏᑦᑐᑦ ᑭᓯᐊᓂ ᐊᓕᒃᓯᒪᔪᖃᖅᐸᑦ, ᐊᒻᒪᓗ ᓇᒃᓴᖅᐸᒃᓱᑎᒃ ᒥᑭᑦᑐᓐᓂᒃ ᒥᖅᓲᑎᒃᓴᓂᒃ ᑐᐊᕕᕐᓇᖅᑐᒥᒃ ᒥᖅᓱᕆᐊᖃᓕᕐᓂᕈᑎᒃ ᐊᖑᓇᓱᒋᐊᖅᓯᒪᓂᖏᓐᓂ. ᐃᓕᖅᑯᓯᑐᖃᒃᑯᑦ ᐅᒃᐱᕐᓂᖃᖅᑐᑦ ᐊᕐᓇᐃᑦ ᐊᔪᖅᑎᑕᐅᓪᓗᑎᒃ ᒥᖅᓱᕈᓐᓇᕐᓂᖅ ᐊᖑᑏᑦ ᐊᖑᓇᓱᒋᐊᖅᓯᒪᓂᖏᓐᓂ - ᒥᖅᓱᓗᐊᖅᑕᐃᓕᒪᖃᑦᑕᖅᓱᑎᒃ, ᑕᒪᕐᒥᒃ ᓄᓇᓕᖕᒥᐅᓕᒫᑦ ᐃᑲᔪᖅᓱᐃᔪᓐᓇᕐᓂᖅᓴᐅᖁᓪᓗᒋᑦ ᑲᔪᓯᓯᒪᑦᑎᐊᕐᓂᐊᖅᑐᓂᒃ ᐊᖑᓇᓱᖕᓂᕐᒥᒃ.