ᖁᒪᖔᐱᒃ ᒪᒃᐸ ᐊᑐᖅᑐᖅ ᑐᒃᑑᑉ ᓂᐅᖏᓐᓂᒃ ᑲᓈᓕᖕᓂᒃ ᑲᒥᖕᓂᒃ ᐊᒻᒪᓗ ᑐᒃᑐᒥᒃ ᐊᒥᕐᒥᒃ ᐊᒪᐅᑎᒥᒃ, ᐊᐅᓛᕆᐊᕌᖓᒥ ᐅᐱᖏᕕᖕᒥᓄᑦ. ᓇᒃᓴᖃᑦᑕᕐᒥᔪᖅ ᑲᒦᒃᑲᓐᓃᖕᓂᒃ ᕿᓰᖕᓂᒃ.
ᐃᒃᐱᐊᕐᔪᒃ, ᔪᓚᐃ 1984

  •  
  • Instructional drawing depicting how the individual boot patterns assemble to become the final product, a Style A kamik.
  • Magnifying Glass

ᒥᖁᖏᑦ ᓇᒧᖓᐅᖓᓂᖏᓪᓗ ᒥᖁᐃᑦ ᒪᓕᒋᐊᖃᖅᑐᑦ ᐊᔾᔨᒌᒃᑐᒥᒃ ᕿᓯᖕᓂᒃ ᑲᒦᖕᓂ. ᑖᒃᑯᐊ ᑲᒦᒃ ᐱᓕᕆᐊᖑᕙᒃᑐᑦ ᐊᖑᑎᓄᑦ, ᐊᕐᓇᓄᑦ, ᓱᕈᓯᕐᓄᓪᓗ ᖃᓄᑐᐃᓐᓇᖅ
ᐅᑭᐅᖃᖅᑐᓂ.
ᖄᐱᒃ ᐊᑕᒍᑦᓯᐊᖅ, ᐃᒃᐱᐊᕐᔪᒃ, 1993
ᑎᑎᕋᐅᔭᖅᑕᐅᓯᒪᔪᖅ ᕘᕌᖕᒃ ᑳᔅᒧᕉᓯᕕᑦᔅᒧᑦ

ᕿᓰᑦ ᐃᑎᒐᒃᓯᐅᑏᑦ

ᐃᓄᐃᑦ ᑲᒪᓕᐅᖅᐸᒃᑐᑦ ᐊᓯᖏᓐᓂᓗ ᐃᓕᖅᑯᓯᑐᖃᕐᒥᒍᑦ ᐊᓐᓄᕌᓂᒃ ᐃᓅᔾᔪᑕᐅᓂᐊᖅᑐᓂᒃ ᐃᒃᑮᕐᓇᖅᑐᒥ ᐊᕙᑎᑦᑎᓐᓂ. ᑐᒃᑐᓂᒃ ᐊᒦᑦ ᐱᐅᔪᒻᒪᕆᖕᓂᒃ ᐅᖂᔾᔪᑕᐅᕙᒃᑐᑦ ᐃᓗᐹᕈᑕᐅᓪᓗᑎᒃ, ᐊᒻᒪᓗ ᓇᑏᑦ ᕿᓰᑦ ᖃᐅᓯᓕᕇᒃᑯᑎᒋᓪᓗᑎᒍᑦ. ᐊᑐᖅᐸᒃᑐᑦ ᑕᒪᒃᑯᐊ ᖃᓄᑐᐃᓐᓇᖅ ᓇᑦᑏᑦ, ᑐᒃᑐᐃᑦ, ᐊᓯᖏᓪᓗ ᖃᓰᑦ ᐊᒦᓪᓗ ᑲᒥᒃᓴᓄᑦ ᐃᑎᒐᑦᑎᓐᓂ, ᐱᐅᔫᖕᒪᑕ ᐊᔾᔨᒌᖏᑦᑐᓄᑦ ᓯᓚᒧᑦ ᖃᓄᐃᑦᑐᓄᑦ.

ᓵᓕ ᕿᒻᒥᐅᑦᓈᖅ ᐅᐊᑉᔅᑕ, 1995

ᑲᒦᑦ ᓴᓇᔭᐅᓯᒪᓲᑦ ᐱᐅᒋᔭᐅᓂᖅᓴᐃᓪᓗ ᑲᓇᑕᒥᐅᓄᑦ ᐃᓄᖕᓄᑦ ᓴᓇᓯᒪᕋᑦᑕᖅᑐᑦ ᐊᑯᓯᒪᓪᓗᑎᒃ ᕿᓯᖕᓂᒃ ᐊᓕᖅᑏᑦ, ᐃᓯᒐᐅᔭᐃᑦ ᐊᒻᒪᓗ ᑲᒥᓪᓚᕇᑦ ᓴᓇᓯᒪᔪᑦ ᕿᓯᖕᓂᒃ ᐅᕙᓗᓐᓃᑦ ᑐᒃᑐᐃᑦ ᐊᒥᕐᓂᒃ, ᖃᓄᐃᑦᑐᑐᐃᓐᓇᐅᓪᓗᑎᒃ ᐊᔾᔨᒌᖏᑦᑑᑎᐅᓪᓗᑎᒃ. ᐊᒥᓲᓂᖏᑦ ᖃᓄᐃᑦᑑᓂᖏᓪᓗ ᑕᐃᒃᑯᐊ ᐊᓕᖅᓰᑦ ᑲᒦᓪᓗ ᐊᔾᔨᒌᖃᑦᑕᖏᑦᑐᑦ ᒪᓕᒃᓱᒋᑦ ᓯᓚᐅᑉ ᖃᓄᐃᓐᓂᖓᑦ, ᓄᓇᐅᑉ ᖃᓄᐃᓐᓂᖓ, ᐱᓕᕆᐊᖑᔪᐃᑦ ᖃᓄᐃᑦᑑᓂᖏᑦ ᐊᒻᒪᓗ ᐃᓕᖅᑯᓯᖏᑦᑕ ᖃᓄᐃᑦᑑᓂᖏᓐᓂᒃ. ᑲᒦᑦ ᕿᓯᖕᓂᒃ ᓴᓇᓯᒪᔪᑦ ᐃᒻᒪᒍᓐᓇᖏᒻᒪᑕ, ᐱᐅᓂᖅᐹᖑᕙᒃᑐᑦ ᐊᑐᖅᑕᐅᔪᓐᓇᖅᑐᓂ ᐅᖂᓇᕐᓂᖅᓴᐅᓕᖅᑎᓪᓗᒍ ᓯᓚ ᐊᒻᒪᓗ ᖃᐅᓯᕐᓇᖅᓂᖅᓴᐅᓕᖅᑎᓪᓗᒍ ᓯᓚ, ᐊᒻᒪᓗ ᑐᒃᑐᓂᒃ ᐊᒥᕐᓂᒃ ᓴᓇᓯᒪᔪᑦ ᒥᖅᑯᖃᕐᒪᑕ ᐳᑐᓕᖕᓂᒃ ᓂᒡᓚᓱᓕᖅᓵᓕᓐᓇᖏᑑᓪᓗᑎᒃ ᐃᒃᑮᕐᓇᖅᑐᒻᒪᕆᐅᔪᒥ ᓯᓚᒥ. ᐃᓄᐃᑦ ᑲᒥᖏᑦ ᓇᓗᓇᐃᒃᑯᑕᐅᖃᑦᑕᕐᒥᔪᑦ ᓴᓇᔨᖓᑕ ᑭᓇᒃᑯᓐᓂᒃ ᐃᓚᖃᕐᓂᖓᓂᒃ, ᐊᔪᖏᓐᓂᖏᓐᓂᒃ, ᐊᒻᒪᓗ ᑕᖅᓯᖅᑐᕈᓐᓇᕐᓂᖏᓐᓂᒃ ᖃᓄᐃᑦᑑᓂᖏᓐᓂᒃ ᐊᒻᒪᓗ ᓇᓗᓇᐃᒃᑯᑕᐅᓪᓗᑎᒃ ᐊᕐᓇᐅᓂᖏᓐᓂᒃ/ᐊᖑᑕᐅᓂᖏᓐᓂᒃ, ᐱᓕᕆᐊᕆᓯᒪᔭᖏᓐᓂᒃ ᐊᒻᒪᓗ ᐊᕕᒃᑐᖅᓯᒪᓂᐅᔪᓂ ᐃᓚᒌᖕᓂᖏᓐᓂᒃ ᖃᐅᔨᒪᓇᕈᑕᕙᒃᑭᓪᓗᑎᒃ.

ᐃᑎᒐᐃᑦ ᐊᔪᕐᓇᖃᑦᑕᕐᒪᑕ ᐅᖂᑎᓐᓂᖅ ᐊᒻᒪᓗ ᐸᓂᖅᑑᓂᖅ ᐅᑭᐅᖅᑕᖅᑐᒥ ᓯᓚᒥ, ᐱᔾᔪᑕᐅᓪᓗᑎᒃ ᐊᐅᑲᖓᖃᑦᑕᕐᓂᖅ, ᖃᐅᔨᓴᓕᖃᑦᑕᕐᓂᖅ ᐊᒻᒪᓗ ᓯᓚᕈᔫᓂᕐᒥ ᓴᕿᒃᑐᒥ ᖃᐅᓯᕐᓂᕐᒥᓗᓐᓃᑦ ᓄᓇᒥ. ᐃᓄᐃᑦ ᐊᑐᕈᒪᖃᑦᑕᖅᑐᑦ ᐃᒻᒪᒎᓐᓇᖏᑦᑐᓂᒃ ᑲᒥᖕᓂᒃ, ᓴᓂᐊᓂ ᑲᒫᓗᐃᑦ, ᐱᔾᔪᑕᐅᓪᓗᑎᒃ ᐆᒪᔪᐃᑦ ᕿᓯᖏᑦ ᐊᖕᒪᔪᖃᕐᓂᖅᓴᐅᖕᒪᑕ ᐊᓂᕐᓂᖃᕈᓐᓇᕐᓂᖅᓴᐅᓪᓗᑎᒃ, ᐊᒻᒪᓗ ᖃᐅᓯᓕᖅᓴᕋᐃᖏᓐᓂᖅᓴᒻᒪᕆᐅᓪᓗᑎᒃ, ᐊᐅᒃᑲᖓᕙᓪᓕᐊᓂᖏᓐᓂ ᐊᓃᕙᓪᓕᐊᔪᓐᓇᕐᒪᑕ ᑕᒪᓐᓇ, ᖃᐅᓯᓕᖅᓴᕋᐃᖏᓐᓂᖅᓴᐅᓪᓗᑎᒃ ᐃᓗᐊᑕ ᑲᒥᐅᑉ.