ᓂᕕᖓᑕᐃᑦ ᒥᖅᓱᖅᓯᒪᔪᑦ ᕿᓯᖕᓂᒃ ᐊᓐᓄᕌᒃᓴᔭᕐᒦᑦᑐᓂ ᒦᓇ ᓇᐹᖅᑑᑉ ᓴᓇᔭᖏᑦ, ᑕᑯᒃᓴᐅᑎᑦᑎᕗᑦ ᐅᓂᒃᑳᓂᒃ ᖃᓄᖅ ᑲᒥᓕᐅᖅᐸᓪᓕᐊᓲᖑᖕᒪᖔᑕ; ᐊᖑᓇᓱᖕᓂᖅ, ᕿᔅᓯᕆᓂᖅ/ᒪᔾᔭᓐᓂ ᐊᒻᒪᓗ ᒥᖅᓱᕐᓂᖅ. ᐃᓄᒃᑎᑐᑦ ᑎᑎᕋᐅᓰᑦ ᐅᓂᒃᑲᖅᑐᑦ ᖃᓄᖅ ᑲᒻᒦᓲᖑᖕᒪᖔᑕ ᐊᒻᒪᓗ ᑖᒃᑯᐊ ᑕᓕᖅᐱᐊᓃᑦᑐᑦ ᑎᑎᖃᐃᑦ ᐊᑎᓕᐅᕈᓯᕆᔭᖏᑦ ᒪᐃᓇᐅᑉ.
ᓄᕕᖅᓵᒃᓴᖅ, ᕿᓯᒃ, ᖃᓗᓈᑦ ᐃᕙᓗᐊ, ᖃᓗᓈᖅᑕᖅᒥᒃ ᑐᓄᖃᖅᑐᖅ, ᓇᐃᓛᓐᒥᒃ ᓂᐱᑦᑕᐅᑎᓕᒃ
ᑰᔾᔪᐊᕌᐱᒃ, ᑯᐸᐃᒃ
BSM P79.272

ᑕᑯᔪᒪᒍᕕᑦ ᑕᕐᕆᔭᐅᑎᖏᓐᓂᒃ, ᐊᑐᕐᓂᐊᖅᐳᑎᑦ JavaScript-ᒥᒃ ᐊᔪᖏᓕᖅᑎᑕᐅᓯᒪᓗᓂ ᓂᕈᐊᕈᑎᖕᓂ/ᐊᑐᕈᒪᔭᕐᓂ ᐋᖀᕕᖕᓂ ᐊᒻᒪᓗ ᓄᑖᖑᓂᖅᐹᒥᒃ ᐊᑐᕈᑎᖃᕐᓗᑎᒃ Flash Player-ᒥᒃ.

ᑲᒥᕗᑦ: ᐃᓄᐃᑦ ᐊᕐᓇᐃᑦ ᓴᓇᐅᒐᖏᑦ

ᑲᒦᑦ ᑭᓇᒃᑰᓂᑦᑎᓐᓄᑦ ᐃᓚᒋᔭᐅᕗᑦ; ᐃᓚᒋᔭᐅᖕᒪᑕ ᐃᓕᖅᑯᓯᑎᓐᓄᑦ ᐊᕙᑎᑦᑎᓄᓪᓗ. ᑲᒦᑦ ᐃᓄᐃᑦ ᓴᓇᐅᒐᕆᕙᒃᑕᖏᑦ ᓴᓇᔭᐅᓯᒪᓪᓗᑎᒃ ᐊᕐᓇᓄᑦ.

ᓯᐊᔭ ᐅᕝᕙᑐᐊᑦᑎᐊᖅ ᕕᓕᑉ 1995

ᑲᓇᑕᒥ ᐅᑭᐅᖅᑕᖅᑐᖅ ᐃᓚᖃᕐᒪᑦ ᓄᓇᓂᒃ ᐱᐅᔪᕐᔪᐊᒻᒪᕆᖕᓂᒃ ᓂᒡᓚᓱᖕᓂᖅᐹᖑᔪᒥ ᓯᓚᖃᖅᑐᓂ, ᓯᓚᕐᔪᐊᓕᒫᒥ. ᐃᓄᖁᑎᖏᑦ ᐊᔪᖏᓐᓂᖃᕆᕗᑦ ᐃᓅᔪᓐᓇᕐᓂᖅ ᐊᕙᑎᒥᒃ ᑕᐃᒪᐃᑦᑑᑎᓪᓗᒍ. ᐃᓄᐃᑦ ᐊᕐᓇᐃᑦ ᐊᑐᖅᐸᒃᑐᑦ ᓄᓇᒥᐅᑕᓂᒃ ᓴᓇᕐᕈᑎᒋᓪᓗᒋᑦ ᐅᖂᓇᖅᑐᓂᒃ ᐊᓐᓄᕌᓂᒃ ᑲᒥᖕᓂᒡᓗ, ᓴᓇᔭᐅᓯᒪᓂᖏᑦ ᓄᐃᑕᑎᑦᑎᓪᓗᑎᒃ ᐊᔾᔨᒌᖏᓐᓂᖏᓐᓂᒃ ᐊᕙᑎᒥᓂᒃ. ᕿᓯᖕᓂᒃ ᑲᒥᒃᑕᖃᖏᑉᐸᑦ ᐊᒻᒪᓗ ᐊᔪᖏᓐᓂᖃᖏᒃᑯᑎᒃ ᐊᕐᓇᐃᑦ ᑲᒥᓕᐅᓲᑦ, ᐃᓅᔪᓐᓇᕋᔭᖏᑦᑐᑦ, ᐅᓪᓗᒥᓗᓐᓃᑦ. ᑭᓯᐊᓂ ᑲᒦᑦ ᐊᖏᔪᒻᒪᕆᖕᒥ ᐃᓕᖅᑯᓯᕐᒧᑦᑕᐅᖅ ᐊᑕᓂᖃᖅᐳᑦ. ᐃᓄᐃᑦ ᐊᕐᓇᐃᑦ ᐊᑐᖅᐸᒃᑐᑦ ᑲᒥᓕᐅᓂᕐᒥᒃ ᑲᔪᓯᑎᑦᑎᔾᔪᑕᐅᓗᑎᒃ ᐃᓕᖅᑯᓯᑐᖃᕐᓂᒃ ᖃᐅᔨᒪᔭᓂᕐᒥᒃ, ᐃᓚᒌᒍᑎᐅᓪᓗᑎᒃ, ᐊᒻᒪᓗ ᐅᐱᓐᓇᖁᑕᐅᓪᓗᑎᒃ ᐊᔪᖏᓐᓂᖏᓐᓂᒃ.