Warning: substr() expects parameter 1 to be string, array given in /usr/local/home/w1002405/inuk/our-boots/index.php on line 1436

ᓂᕕᖓᑕᐃᑦ ᒥᖅᓱᖅᓯᒪᔪᑦ ᕿᓯᖕᓂᒃ ᐊᓐᓄᕌᒃᓴᔭᕐᒦᑦᑐᓂ ᒦᓇ ᓇᐹᖅᑑᑉ ᓴᓇᔭᖏᑦ, ᑕᑯᒃᓴᐅᑎᑦᑎᕗᑦ ᐅᓂᒃᑳᓂᒃ ᖃᓄᖅ ᑲᒥᓕᐅᖅᐸᓪᓕᐊᓲᖑᖕᒪᖔᑕ; ᐊᖑᓇᓱᖕᓂᖅ, ᕿᔅᓯᕆᓂᖅ/ᒪᔾᔭᓐᓂ ᐊᒻᒪᓗ ᒥᖅᓱᕐᓂᖅ. ᐃᓄᒃᑎᑐᑦ ᑎᑎᕋᐅᓰᑦ ᐅᓂᒃᑲᖅᑐᑦ ᖃᓄᖅ ᑲᒻᒦᓲᖑᖕᒪᖔᑕ ᐊᒻᒪᓗ ᑖᒃᑯᐊ ᑕᓕᖅᐱᐊᓃᑦᑐᑦ ᑎᑎᖃᐃᑦ ᐊᑎᓕᐅᕈᓯᕆᔭᖏᑦ ᒪᐃᓇᐅᑉ.
ᓄᕕᖅᓵᒃᓴᖅ, ᕿᓯᒃ, ᖃᓗᓈᑦ ᐃᕙᓗᐊ, ᖃᓗᓈᖅᑕᖅᒥᒃ ᑐᓄᖃᖅᑐᖅ, ᓇᐃᓛᓐᒥᒃ ᓂᐱᑦᑕᐅᑎᓕᒃ
ᑰᔾᔪᐊᕌᐱᒃ, ᑯᐸᐃᒃ
BSM P79.272

Teacher's Resources
ᑲᒥᕗᑦ: ᐃᓄᐃᑦ ᐊᕐᓇᐃᑦ ᓴᓇᐅᒐᖏᑦ

ᐃᓕᓐᓂᐊᕐᕕᖕᓂ ᐱᓕᕆᐊᒃᓴᐃᑦ ᓴᓇᔭᒃᓴᐃᓪᓗ

ᐱᔾᔪᑎᒋᓪᓗᒋᑦ ᑕᑯᔭᒃᓴᐃᑦ:
ᑲᒥᕗᑦ: ᐃᓄᐃᑦ ᐊᕐᓇᐃᑦ ᓴᓇᐅᒐᖏᑦ ᓴᕿᑕᐅᓯᒪᔪᑦ ᒪᓕᒃᑕᐅᓪᓗᑎᒃ ᓄᓇᓕᖕᓃᓚᐅᖅᓯᒪᓂᖏᑦ, ᖃᐅᔨᓂᐊᓚᐅᖅᓯᒪᔭᖏᓐᓂᓗ ᐃᓄᖕᓂᒃ ᑐᑭᓯᓂᐊᖅᑎᒥᒃ ᔨᐅᓪ ᐆᒃᔅ, ᐊᒻᒪᓗ ᐆᒪᔪᓕᕆᔨᒥᒃ ᕆᒃ ᕆᐅ. ᑖᒃᑯᐊ ᐃᓅᖃᑎᖃᓚᐅᕐᒪᑕ ᐃᓕᓐᓂᐊᖅᓱᑎᒡᓗ ᐃᓄᖕᓂᒃ ᒥᖅᓱᖅᑎᓂᒃ, ᐊᖑᓇᓱᒃᑎᓂᒡᓗ ᑕᒪᐃᓐᓂᑦᑎᐊᖅ ᐊᕕᒃᑐᖅᓯᒪᓂᐅᔪᓂ ᑲᓇᑕᒥ ᐅᑭᐅᖅᑕᖅᑐᒥ, 1980-ᖏᓐᓂ ᐊᕐᕋᒍᓂ ᐊᒻᒪᓗ 1990 ᐱᒋᐊᓕᓵᕐᓂᖏᓐᓂ. ᐃᓄᐃᑦ ᐊᕐᓇᐃᑦ ᖃᐅᔨᒪᔭᑐᖃᕐᒥᓂᒃ ᐅᖃᐅᓯᖃᖃᑦᑕᓚᐅᖅᑐᑦ ᐅᓂᒃᑲᕆᓪᓗᒋᑦ ᐊᒻᒪᓗ ᐊᔪᖕᒋᑕᒥᓂᒃ ᐃᓕᓐᓂᐊᖅᑎᑦᑎᓪᓗᑎᒃ ᑕᐃᒫᒃ ᑲᒻᒦᓂᖅ ᐃᓄᐃᑦ ᑲᒥᖏᓐᓂᒃ ᑎᑎᕋᖅᑕᐅᓯᒪᑦᑎᐊᕐᓂᐊᕐᒪᑕ, ᐊᖑᑏᓪᓗ ᐃᓄᐃᑦ ᐃᓕᓐᓂᐊᖅᑎᑦᑎᔨᐅᓪᓗᑎᒃ ᐊᐅᓛᖃᑦᑕᕐᓂᕐᒥᒃ ᓄᓇᒧᑦ, ᐊᖑᓇᓱᖃᑦᑕᕐᓂᕐᒥᒃ ᓂᕐᔪᑎᓂᒃ, ᐊᒻᒪᓗ ᐱᒻᒪᕆᐅᓂᖏᓐᓂᒃ ᑲᒦᑦ ᐊᑐᖅᑕᐅᓂᖏᑦ ᐅᑭᐅᖅᑕᖅᑐᒥ ᐊᕐᕋᒍᓕᒫᖅ ᐊᑐᖅᑕᐅᓂᖏᓐᓂ. ᑲᒥᕗᑦ: ᐃᓄᐃᑦ ᐊᕐᓇᐃᑦ ᓴᓇᐅᒐᖏᑦ ᓯᕗᓪᓕᖅᐹᕆᔭᐅᓚᐅᖅᑐᖅ ᑕᑯᔭᒐᒃᓴᓂᒃ ᐹᑕᑯᒃ ᑲᒫᓗᓕᕆᔨᒃᑯᑦ ᑕᑯᔭᒐᖃᕐᕕᒡᔪᐊᖓᓂ, ᒪᑐᐃᖅᑕᐅᑎᓪᓗᒍ 1995-ᒥ. (ᐅᖃᓕᒫᒐᐃᑦ ᐊᒥᓱᓕᐊᕆᔭᐅᓚᐅᕐᒥᔪᑦ ᑕᐃᒫᒃᓴᐃᓐᓇ ᑕᐃᒍᖅᑕᐅᓪᓗᑎᒃ ᓴᓇᔭᖏᑦ ᑕᒡᓚᔅ ᐊᒻᒪ ᒫᑭᓐᑕᐃᔭᒃᑯᑦ ᑕᐃᔅᓱᒪᓂᔅᓴᐃᓐᓇᖅ ᐊᕐᕋᒍᒥ). ᐊᒥᓱᑦ ᑕᒡᕙᓂ ᖃᐅᔨᒪᔭᐅᔪᑐᖃᐃᑦ ᐃᓕᐅᖃᖅᑕᐅᓯᒪᑦᑎᐊᖅᑐᑦ ᖃᕆᑕᐅᔭᒃᑯᑦ ᑕᑯᔭᒃᓴᓂᒃ ᐊᒥᓲᓂᖅᓴᓄᑦ ᐃᓄᖕᓄᑦ ᑕᑯᔭᐅᔪᓐᓇᖃᑦᑕᕐᓂᐊᕐᒪᑕ.

ᐱᓕᕆᐊᒃᓴᐃᑦ ᒥᒃᓵᓄᑦ ᐅᖃᐅᓯᒃᓴᐃᑦ:
ᐱᖓᓱᑦ ᐱᓕᕆᐊᒃᓴᐃᑦ ᐱᔫᒥᓇᖅᓯᓕᓚᐅᖅᑐᑦ ᐊᔪᖏᓪᓗᐊᕐᓂᖏᓐᓄᑦ ᓴᓇᔪᓐᓇᕐᓂᖏᑦ 1979-ᒥ ᒪᐃᓇ ᓇᐹᖅᑑᑉ, ᑰᔾᔪᐊᕌᐱᖕᒥᐅᑦᑕᖅ, ᑯᐸᐃᖕᒥ, ᐊᔾᔨᖑᐊᓕᐅᖅᓯᒪᓗᓂ ᓂᕕᖓᔪᒃᓴᒥᒃ, ᑕᑯᒃᓴᐅᓪᓗᑎᒃ ᖃᓄᐃᓕᐅᖅᐸᓪᓕᐊᔭᕆᐊᖃᕐᓂᖏᓐᓂᒃ ᑲᒻᒥᓇᓱᐊᕐᓂᕐᒧᑦ. ᐃᓕᓐᓂᐊᖅᑐᑦ ᐱᕕᒃᓴᖃᖅᑎᑕᐅᓂᐊᕐᒪᔪᑦ ᐊᑐᕈᓐᓇᕐᓂᖅ ᐊᓯᖏᓐᓂᒃ ᖃᐅᔨᒪᔭᐅᔪᒃᓴᓂᒃ ᐊᒻᒪᓗ ᐱᖁᑎᑐᖃᕐᓂᒃ ᓇᓂᓯᔪᓐᓇᖅᓱᑎᒃ ᑲᒥᕗᑦ ᖃᕆᑕᐅᔭᒃᑯᑦ ᑕᑯᔭᒐᖃᕐᕕᐊᓃᑦᑐᓂ.

ᑕᒪᕐᒥᒃ ᐊᑐᓂ ᐱᓕᕆᐊᒃᓴᐃᑦ ᑐᕌᖓᔪᑦ ᐊᔾᔨᒋᖏᑦᑑᑎᓄᑦ ᐳᖅᑐᓂᓕᖕᓂᒃ ᐃᓕᓐᓂᐊᖅᑐᓂᒃ, ᐃᓕᓐᓂᐊᖅᑕᐅᔪᓂᒡᓗ ᐊᔾᔨᒌᖏᑦᑐᓂᒃ, ᐊᑑᑎᖃᖅᓱᑎᒃ ᐃᓚᒋᔭᐅᕈᑕᐅᓂᖅ ᐱᐅᓯᒋᐊᕈᑕᐅᓪᓗᑎᒃ ᐃᓕᓐᓂᐊᖅᑕᐅᔪᓄᑦ. ᐃᓕᓐᓂᐊᖅᑏᑦ ᐃᓕᑎᓂᖏᓐᓂ ᐊᑐᕈᓐᓇᖅᑐᑦ ᐱᓕᕆᐊᓪᓚᕆᖕᓂᒃ.

ᓄᓇᖃᖅᑐᐃᑦ ᐃᓱᒪᓂᖓᒃ ᑕᐅᑐᒃᓱᒋᑦ:
ᑲᓇᑕᒥ, ᐊᒥᓱᒐᓴᐃᑦ ᒥᓂᔅᑕᖃᕐᕕᐅᔪᑦ ᐃᓕᓐᓂᐊᖅᑐᓕᕆᓂᕐᒧᑦ ᑐᕌᒐᓕᐅᖅᓯᒪᖕᒪᑕ ᖃᐅᔨᒪᔭᐅᔪᒃᓴᓂᒃ ᐱᑕᖃᕐᓂᖅᓴᐅᖁᔨᓪᓗᑎᒃ ᓄᓇᖃᖄᖅᑐᑦ ᐃᓕᖅᑯᓯᖏᓐᓂᒃ, ᐱᕙᓪᓕᐊᓯᒪᓂᖏᓐᓂᒃ, ᐊᒻᒪᓗ ᐃᓱᒪᖃᕐᓂᖏᓐᓂᒃ, ᐃᓕᓐᓂᐊᕈᑎᒃᓴᑎᒍᑦ, ᖃᐅᔨᒪᓂᖅᓴᐅᖁᓪᓗᒋᑦ ᐅᔾᔨᕈᓱᑦᑎᐊᖁᓪᓗᒋᓪᓗ ᑕᒪᕐᒥᒃ ᐃᓕᓐᓂᐊᖅᑲᑕᐅᔪᑦ. ᐊᒻᒪᓗ, ᒐᕙᒪᒃᑯᑦ ᐃᓕᓐᓂᐊᖅᑐᓕᕆᔨᒃᑯᖏᑦ ᓄᓇᕗᒻᒥ ᐊᑐᖃᑦᑕᓕᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᑕᒪᐃᓐᓂ ᐃᓚᒋᔭᐅᔪᓂ ᐃᓕᓐᓂᐊᕈᑎᓕᒫᓂ, ᐊᒻᒪᓗ ᓄᓇᑦᓯᒥ, Dene Kede-ᑯᑦ ᐊᓪᓚᐃᑦ ᐃᓕᓐᓂᐊᕈᑎᖏᑦ ᐃᓕᓐᓂᐊᕈᑕᐅᓲᑦ ᐃᓕᖅᑯᓯᑐᖃᖏᓐᓂᒃ, ᐅᖃᐅᓯᕐᓂᒃ ᐊᒻᒪᓗ ᐊᓪᓚᐃᑦ ᐃᓱᒪᖏᓐᓂᒃ. ᓂᕈᐅᓇᖅᑐᖅ ᑕᒪᒃᑯᐊ ᐱᓕᕆᐊᒃᓴᐃᑦ ᐃᑲᔫᑕᐅᓂᐊᖅᑐᑦ ᐊᒻᒪᓗ ᐱᔫᒥᓴᐅᑕᐅᓗᑎᒃ ᐃᓕᓴᐃᔨᓄᑦ ᐱᕕᒃᓴᖃᖁᔨᓪᓗᒋᑦ ᐊᑐᓕᖅᑎᑦᑎᓂᕐᒥᒃ ᓄᓇᖃᖃᖅᑐᐃᑦ ᐃᓱᒪᓂᖃᕐᓂᖏᓐᓂᒃ ᓯᓚᕐᔪᐊᕐᒥᒃ, ᐃᓕᓐᓂᐊᑎᑦᑎᓂᖏᓐᓂ.